ق ح ا ۇندەۋى: ن. نازاربايەۆتىڭ پرەزيدەنت سايلاۋىنا قاتىسۋى - ازاماتتىق پارىز بەن جاۋاپكەرشىلىكتىڭ ايقىن كورىنىسى
«قازاقپارات» ح ا ا ۇندەۋ ءماتىنىن جاريالايدى.
قۇرمەتتى وتانداستار!
بۇگىن بارشا قازاقستان حالقى ءبىزدىڭ وتىنىمىزدىڭ ومىرىندەگى تاعدىرلى جانە تاريحي وقيعانىڭ قاتىسۋشىسى ءارى كۋاگەرى بولدى.
«نۇر وتان» پارتياسىنىڭ XVI سەزى ءبىر اۋىزدان نۇرسۇلتان ءابىش ۇلى نازاربايەۆتى كەزەكتى مەرزىمگە قازاقستان رەسپۋبليكاسى پرەزيدەنتتىگىنە كانديدات ەتىپ ۇسىندى.
«نۇر وتان» پارتياسى سەزىنىڭ شەشىمى قازاقستان حالقى اسسامبلەياسىنىڭ كەزەكتەن تىس پرەزيدەنت سايلاۋىن 2015-جىلى وتكىزۋ تۋرالى بۇكىل حالىقتىق قولداۋعا يە بولعان باستاماسىنىڭ تەرەڭ نەگىزدىلىگىنىڭ جانە زاڭدىلىعىنىڭ ايعاعى بولىپ تابىلادى.
28- اقپاندا قازاقستان حالقى اسسامبلەياسى ەلباسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتان ءوزىنىڭ كانديداتۋراسىن كەزەكتەن تىس پرەزيدەنت سايلاۋىنا ۇسىنۋىن سۇراعان بولاتىن.
بۇل قادامعا ءبىزدىڭ ەلىمىز بەن ونىڭ حالقىنىڭ بولاشاعى الدىنداعى جوعارعى جاۋاپكەرشىلىك، قوعامنىڭ تۇراقتىلىعى مەن بىرلىگىن، ەرتەڭگى كۇنگە دەگەن نىق سەنىمدى، جۇمىس ورىندارىن جانە الەۋمەتتىك كەپىلدىكتەردىڭ، جالاقى مەن شاكىرتاقىنىڭ ساقتالۋىن قامتاماسىز ەتۋگە دەگەن نيەت تۇرتكى بولعان ەدى.
ءبىزدىڭ وسى باستامامىزدى قولداپ مىڭداعان ازاماتتار، ءىرى ءوندىرىس ۇجىمدارى، اۋىل شارۋاشىلىعى سالاسىنىڭ قىزمەتكەرلەرى، ۇكىمەتتىك ەمەس ۇيىمدار جانە ەتنومادەني بىرلەستىكتەر ءۇن قوستى.
وسى ارقىلى قازاقستان حالقى جۇرگىزىلىپ وتىرعان ساليقالى ىشكى جانە سىرتقى ساياساتقا تولىق قولداۋىن ءبىلدىردى، جوعارى ازاماتتىق جاۋاپكەرشىلىك پەن پاتريوتيزم ۇلگىسىن تانىتتى.
قازاقستان حالقى اسسامبلەياسى قازىرگى پرەزيدەنتىمىز نۇرسۇلتان ءابىش ۇلى نازاربايەۆتىڭ كانديداتۋراسىنىڭ قازاقستان پرەزيدەنتتىگىنە ۇسىنىلۋىنا ەرەكشە ىقىلاسپەن قولداۋ بىلدىرەدى.
بۇل قادام مەملەكەت پەن قوعامنىڭ ناقتى ءىس قيمىل جوسپارى - «نۇرلى جول - بولاشاققا باستار جول» جاڭا ەكونوميكالىق ساياساتىنىڭ جۇزەگە اسۋىنىڭ، جاۋاپتى، تۇراقتى جانە سالماقتى ىشكى جانە سىرتقى ساياساتىمىزدىڭ ءارى قاراي ىركىلىسسىز ىسكە اسۋىنىڭ بىرەگەي شارتى بولىپ تابىلادى.
نۇرسۇلتان ءابىش ۇلىنىڭ پرەزيدەنت سايلاۋىنا قاتىسۋى - بۇل پاتريوتتىق اكت، ەلدىڭ تۇتاستىعىن ساقتاۋدا، مەملەكەتتى ءارى قاراي دامىتۋ مەن ازاماتتاردىڭ ءال-اۋقاتىن ارتتىرۋدىڭ باستى مىندەتتەرىن شەشۋ ءۇشىن ەكونوميكانى تۇراقتاندىرۋدىڭ، ازاماتتىق جاراسىم مەن الەۋمەتتىك تۇراقتىلىقتى نىعايتۋدىڭ قۋاتتى باستاۋى بولىپ تابىلاتىن ازاماتتىق پارىز بەن جاۋاپكەرشىلىكتىڭ ايقىن كورىنىسى.
نۇرسۇلتان ءابىش ۇلى نازاربايەۆتىڭ ەل الدىنداعى ابىرويى، ونىڭ ساياسي دانالىعى مەن تەرەڭ تاجىريبەسى، ونىڭ تۇلعاسىنا دەگەن ەل سەنىمى سايلاۋ ناۋقانىنىڭ لايىقتى دەڭگەيدە ءوتىپ، قازاقستان ازاماتتارىنىڭ ەركىن تاڭداۋ جاساۋىنا كەپىل بولاتىنىنا سەنىمدىمىز.
ءبىز قازىرگى پرەزيدەنتىمىزدىڭ كانديداتۋراسىنىڭ ۇسىنىلۋى حالىقارالىق قاۋىمداستىق ءۇشىن قازاقستاننىڭ سىرتقى بەيبىتشىلىك پەن كەلىسىم ساياساتىنىڭ، سەنىم مەن تياناقتىلىققا نەگىزدەلگەن ساياساتىنىڭ وزگەرىسسىز قالاتىندىعىنا سالماقتى دالەل بولادى دەپ سانايمىز.
قازاقستان حالقى اسسامبلەياسى كەلەشەك الدىنداعى جاۋاپكەرشىلىگىن سەزىنە وتىرىپ، حالىق پەن ەلدىڭ بيىك مۇددەسىن ەسكەرە وتىرىپ، ازاماتتىق جانە پاتريوتتىق پارىزىن ورىنداۋ ماقساتىندا ەلىمىزدىڭ بارلىق ازاماتتارىن كەزەكتەن تىس پرەزيدەنت سايلاۋىنا بەلسەندى تۇردە قاتىسۋعا جانە داۋىس بەرۋ ارقىلى ەركىن بىلدىرۋگە شاقىرادى.
ءبىز بارشا قازاقستان ازاماتتارىن بولاشاق ۇرپاق ءۇشىن، ەلىمىزدىڭ گۇلدەنىپ دامۋى ءۇشىن ءوزىنىڭ كونستيتۋتسيالىق قۇقىعىن پايدالانۋعا، ەرىكتى تاڭداۋ جاساۋعا، سايلاۋدا داۋىس بەرۋگە، ءبىزدىڭ ەلىمىز بەن قوعامىمىزدىڭ تۇراقتىلىعى مەن بىرلىگىن نىعايتۋعا ۇلەس قوسۋعا شاقىرامىز.
