ن. نازاربايەۆ: اكىمنىڭ نە ءمينيستردىڭ اۋىسۋى اكىمشىلىك مەملەكەتتىك قىزمەت جۇمىسىنا كەدەرگى كەلتىرمەۋى ءتيىس

استانا. قازاقپارات - اكىمنىڭ نە ءمينيستردىڭ اۋىسۋى اكىمشىلىك مەملەكەتتىك قىزمەت جۇمىسىنا كەدەرگى كەلتىرمەۋى ءتيىس.

بۇل تۋرالى بۇگىن استاناداعى تاۋەلسىزدىك سارايىندا ءوتىپ جاتقان «نۇر وتان» پارتياسىنىڭ كەزەكتى XVI سەزىندە مەملەكەت باسشىسى، پارتيا كوشباسشىسى نۇرسۇلتان نازاربايەۆ ايتتى.

«مينيسترلەردىڭ نە بولماسا اكىمدەردىڭ جانە باسقا دا باسشىلاردىڭ سايلانۋى، اۋىسۋى اكىمشىلىك مەملەكەتتىك قىزمەت جۇمىسىنا ەش كەدەرگى كەلتىرمەۋى ءتيىس. مۇنداي ءتارتىپ گەرمان مەملەكەتىندە 100  جىل بويى قولدانىلىپ كەلەدى. ۇلى بريتانيادا دا، فرانسيادا دا ءدال وسى ءتارتىپ قولدانىلدى»، - دەدى ەلباسى.

ق ر پرەزيدەنتىنىڭ اتاپ وتۋىنشە، الداعى ۋاقىتتا بارلىق دەڭگەيدەگى باسشىلىق قۇرام سايلاۋ ارقىلى قىزمەتىنە كىرىسەتىن بولادى.

«ەگەر انانى اكەلىپ، مىنانى اكەلەتىن بولساق، كەشەگى كۇنى نە جاسالعانىن ەشكىم بىلمەيدى. سەبەبى جاڭادان ادامدار كەلىپ وتىر. دۇنيەدە ونداي جوق. مىعىم مەملەكەتتىك اپپارات مەملەكەتتىڭ تۇراقتى دامۋىنا كەپىل بولادى»، - دەدى مەملەكەت باسشىسى.

اۆتور: مارلان جيەمباي