ەلباسىنىڭ كەزەكتەن تىس پرەزيدەنت سايلاۋىن تاعايىنداۋ تۋرالى شەشىم قابىلداۋىنا ايرىقشا قۇقىعى بار - ق ر كونستيتۋتسيالىق كەڭەسى
استانا. قازاقپارات - 2015-جىلعى 24- اقپاندا قازاقستان رەسپۋبليكاسى كونستيتۋتسيالىق كەڭەسى رەسپۋبليكا پارلامەنتىنىڭ سەناتى ءتوراعاسىنىڭ قازاقستان رەسپۋبليكاسى كونستيتۋتسياسىنىڭ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ ماسەلەلەرىن رەتتەيتىن 41-بابىنىڭ 3-1-تارماعىنا رەسمي تۇسىندىرمە بەرۋ تۋرالى ءوتىنىشى بويىنشا نورماتيۆتىك قاۋلى قابىلدادى.
بۇل تۋرالى ق ر كونستيتۋتسيالىق كەڭەسىنىڭ باسپا ءسوز قىزمەتى حابارلادى.
«كونستيتۋتسيالىق كەڭەس، قازاقستان رەسپۋبليكاسى كونستيتۋتسياسىنىڭ 41-بابى 3-1-تارماعىنىڭ نورماسىن، قازاقستان رەسپۋبليكاسى پرەزيدەنتىنىڭ پرەزيدەنتتىڭ كەزەكتەن تىس سايلاۋىن جەكە-دارا تاعايىنداۋعا ايرىقشا قۇقىعى بار دەپ تۇسىنگەن ءجون. ەلباسىنىڭ پرەزيدەنتتىڭ كەزەكتەن تىس سايلاۋىن تاعايىنداۋ تۋرالى شەشىم قابىلداۋىنا رەسپۋبليكا كونستيتۋتسياسى قانداي دا ءبىر شارتتار مەن شەكتەۋلەر قاراستىرمايدى. مۇنداي سايلاۋ تاعايىنداۋ تۋرالى شەشىم قابىلداعاندا قازاقستان رەسپۋبليكاسى كونستيتۋتسياسىنىڭ 41-بابىنىڭ 3-تارماعىندا قاراستىرىلعان، قازاقستان پرەزيدەنتىنىڭ سايلاۋى مەرزىمى جاعىنان رەسپۋبليكا پارلامەنتىنىڭ جاڭا قۇرامىن سايلاۋمەن تۇسپا-تۇس كەلمەۋگە ءتيىس دەگەن ەرەجە ەسكەرىلۋى كەرەك»، دەپ ءتۇسىندىردى»، دەلىنگەن حابارلامادا.
