ق ر پرەزيدەنتى گ. گولوۆكيندى بوكستان الەم چەمپيونى اتاعىن قورعاۋىنا بايلانىستى قۇتتىقتادى
استانا. قازاقپارات - ەلباسى نۇرسۇلتان نازاربايەۆ گەننادي گولوۆكينگە WBA، IBO جانە WBC تۇجىرىمدارى بويىنشا كاسىپقويلار اراسىنداعى بوكستان الەم چەمپيونى اتاعىن قورعاۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلايدى.
جەدەلحاتتا مارتين ميۋررەيمەن جەكپە-جەكتەگى جەڭىس ماقساتكەرلىكتىڭ، قاجىرلى ەڭبەك پەن جوعارى شەبەرلىكتىڭ كەزەكتى جەمىسى ەكەنى ايتىلعان. مەملەكەت باسشىسىنىڭ اتاپ وتكەنىندەي، گ. گولوۆكين وسى قاسيەتىنىڭ ارقاسىندا پلانەتاداعى ەڭ مىقتى بوكسشىلاردىڭ ءبىرى دەگەن اتاققا لايىقتى ەكەنىن دالەلدەدى.
«قازاقستاندىقتار سەنىڭ ءاربىر تابىسىڭا قۋانادى. ءبىز سەنىڭ كەلەسى جەكپە-جەكتەرىڭ دە وتاندىق سپورتتىڭ مارتەبەسىن اسىرىپ، بۇدان دا جوعارى دەڭگەيگە كوتەرەتىنىنە، وسكەلەڭ ۇرپاققا ۇلگى بولاتىنىنا سەنىمدىمىز»، - دەلىنگەن جەدەلحاتتا.
سوڭىندا ەلباسى قازاقستاندىق بوكسشىعا مىقتى دەنساۋلىق جانە جاڭا جەڭىستەر تىلەدى.
