10:48, 14 - اقپان 2015 | GMT +6
قازاقستاندا جاسالعان: الماتى وبلىسىندا ءسۇتتى تەرەڭدەتە وڭدەيتىن جاڭا جەلى ىسكە قوسىلدى
تالدىقورعان. قازاقپارات - بۇگىن الماتى وبلىسىنىڭ اكىمى اماندىق باتالوۆتىڭ قاتىسۋىمەن ءسۇتتى تەرەڭدەتە وڭدەپ، پاستەرلەيتىن جاڭا جەلى ىسكە قوسىلدى.
وبلىس اكىمى باسپا ءسوز قىزمەتىنىڭ حابارلاۋىنشا، جاڭا جەلى زاماناۋي جوعارى تەحنولوگيالى يمپورتتىق جابدىقپەن جاراقتانعان. ءسۇتتى 1 جىل ساقتاۋ مەرزىمىمەن وڭدەۋ جانە زالالسىزداندىرۋ زاۋىتتىڭ وندىرىستىك قۋاتىن ەكى ەسە ۇلعايتۋعا مۇمكىندىك بەردى. مۇندا ەندى تاۋلىگىنە 250 توننا ءسۇت وڭدەلەدى.
«ادال» ا و ك» ا ق ديرەكتورى سەرىك سمايىلوۆتىڭ ايتۋىنشا، مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا ايتقان يدەياسىن قولداي وتىرىپ، «قازاقستاندا جاسالعان» اكسياسى باستالدى. بۇگىن وسى ماركامەن 35 اتاۋداعى ءسۇت ونىمدەرى شىعارىلادى جانە تاياۋ ارادا تاعى ءبىر جاڭا ءسۇت وڭدەۋ جەلىسىن قوسۋ جوسپارلانۋدا.
