ن. نازاربايەۆ پەن ا. لۋكاشەنكو تەلەفون ارقىلى ۋكرايناداعى قازىرگى احۋال جونىندە پىكىر الماستى
استانا. قازاقپارات - مەملەكەت باسشىسى نۇرسۇلتان نازاربايەۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن تەلەفون ارقىلى سويلەستى، دەپ حابارلادى اقوردانىڭ باسپا ءسوز قىزمەتىنەن.
قازاقستان مەن بەلارۋس پرەزيدەنتتەرى ەكىجاقتى ىنتىماقتاستىق ماسەلەلەرىن، سونداي-اق ەۋرازيالىق ەكونوميكالىق وداق اياسىنداعى ءوزارا ءىس-قيمىلدىڭ پەرسپەكتيۆالارىن تالقىلادى. ەكى ەلدىڭ كوشباسشىلارى ە ا ە و- عا مۇشە مەملەكەتتەر ەكونوميكاسىنداعى بىرلەسىپ شەشۋدى قاجەت ەتەتىن پروبلەمالارعا نازار اۋداردى.
سونىمەن قاتار، مەملەكەت باسشىلارى ۋكرايناداعى قازىرگى احۋال جونىندە پىكىر الماستى.
نۇرسۇلتان نازاربايەۆ مينسكىدە 11- اقپاندا وتكىزۋ جوسپارلانعان «نورماند فورماتىنداعى» كەلىسسوزدەر ۋكراينا داعدارىسىن شەشۋ جولدارىن تابۋ ءۇشىن مامىلەگە كەلۋگە مۇمكىندىك بەرەتىنىنە سەنىم ءبىلدىردى.
