شەتەلدىك ينۆەستيتسيانى تارتۋدا قىزىلوردا وبلىسىنىڭ تاجىريبەسى ۇلگى بولارلىقتاي - ب. ساعىنتايەۆ

بۇل تۋرالى وبلىس اكىمدىگىنىڭ باسپا ءسوز قىزمەتىنەن حابارلادى.

ب. ساعىنتايەۆ الدىمەن وبلىس اكىمدىگىندە ورنالاسقان سيتۋاتسيالىق ورتالىقتىڭ جۇمىسىمەن تانىستى. ورتالىقتىڭ جۇمىسىمەن تانىستىرعان وبلىس اكىمىنىڭ ورىنباسارى ن. گودۋنوۆا ايماقتىڭ دامۋ جوسپارىنا ەنگىزىلەتىن وزگەرىستەر مەن ونىڭ جۇزەگە اسۋى وسى جەردە قاداعالاناتىنىن اتاپ ءوتتى.

مۇنان سوڭ ءبىرىنشى ۆيتسە-پرەمەر ورتالىق مەملەكەتتىك ورگاندار، ۇلتتىق كومپانيالار باسشىلارىنىڭ جانە بيزنەس قاۋىمداستىق وكىلدەرىنىڭ قاتىسۋىمەن وتاندىق تاۋار وندىرۋشىلەردى قولداۋ ماسەلەلەرى بويىنشا كەڭەس وتكىزدى.

«قازىرگى داعدارىس كەزىندە ماڭىزدى مىندەتتەردىڭ ءبىرى - شەتەلدىك ينۆەستيتسيالاردى تارتۋ»، - دەپ اتاپ ءوتتى ساعىنتايەۆ. «وسى ورايدا ەۋروپا قايتا قۇرۋ جانە دامۋ بانكىمەن جالپى قۇنى 63 ميلليارد تەڭگە بولاتىن 8 جوباعا قول قويعان قىزىلوردا وبلىسىنىڭ تاجىريبەسى باسقا ايماقتارعا ۇلگى بولارلىقتاي»، - دەدى ق ر پرەمەر-ءمينيسترىنىڭ ءبىرىنشى ورىنباسارى ب. ساعىنتايەۆ.

دۇنيە جۇزىلىك ساۋدا ۇيىمىمەن ەۋرازيالىق ەكونوميكالىق وداق جاعدايىندا قازاقستان ءۇشىن وندىرىلەتىن تاۋار مەن قىزمەتتەردىڭ ساپاسىن ارتتىرۋ ماڭىزدى.

«الەمدىك نارىققا شىعۋ ءۇشىن باسەكەگە قابىلەتتى ءونىم شىعارۋ كەرەك. مەملەكەت جان-جاقتى قولداۋ كورسەتەتىن بولادى، دەگەنمەن سىزدەر دە ساپالى ءونىم ءوندىرىپ، باسەكەگە توتەپ بەرە الۋلارىڭىز شارت»، - دەدى ءبىرىنشى ۆيتسە-پرەمەر.

كەڭەس قورىتىندىسى بويىنشا قىزىلوردا وبلىسى اكىمدىگى، ۇلتتىق كومپانيالار مەن جەرگىلىكتى قامتۋدى دامىتۋ بويىنشا جەرگىلىكتى تاۋار وندىرۋشىلەر اراسىندا جالپى قۇنى 39 ميلليارد تەڭگە بولاتىن ءبىرقاتار مەموراندۋمدارعا وتىردى. كەلىسىمگە «قازاتومپروم»، «قازمۇناي گاز» جانە «قازاق تەلەكوم» اكسيونەرلىك قوعامدارى قول قويدى.

سونداي-اق، قىزىلوردا وبلىسىنىڭ اكىمدىگى مەن جۇيە قۇرايتىن كاسىپورىندار جۇمىس ورىندارىن ساقتاۋ جانە وندىرىستىك ۇدەرىستەردى تۇراقتاندىرۋ بويىنشا مەموراندۋمدار جاساستى. ءۇش جاقتى كەلىسىمگە قىزىلوردا وبلىسى اكىمدىگى، وبلىستىق كاسىپوداق جانە «پەترو قازاقستان قۇمكول رەسورسيز» ا ق، «قازگەرمۇناي» ج ش س، «ارالتۇز» ا ق، «ابزال جانە ك» ج ش س، «جانروس دريللينگ»، «سيبۋ» جاۋاپكەرشىلىگى شەكتەۋلى سەرىكتەستىكتەرى قول قويدى.

بۇدان كەيىن، ق ر پرەمەر-ءمينيسترىنىڭ ءبىرىنشى ورىنباسارى مامانداندىرىلعان حالىققا قىزمەت كورسەتۋ ورتالىعىنا باردى. اۆتوكولىك قۇرالدارىن تىركەۋ جانە جۇرگىزۋ كۋالىگىن الۋعا قاتىستى بارلىق مەملەكەتتىك قىزمەتتەردى ءبىر كەشەننەن الۋعا مۇمكىندىك بەرەدى. مۇندا جۇرگىزۋشى كۋالىگىنە تاپسىرىلاتىن ەمتيحان تولىعىمەن اۆتوماتتاندىرىلعان. ياعني، ەلەكتروندى باعالاۋ جۇيەسىمەن جابدىقتالعان.

اۆتور: ەلۋباي اۋەزوۆ