ن. نازاربايەۆ پەن ا. مەركەل مينسك ۋاعدالاستىعىن قاتىسۋشى تاراپتاردىڭ مۇلتىكسىز جۇزەگە اسىرۋى قاجەتتىگىن اتاپ كورسەتتى
سونداي- اق ۋكراينانىڭ شىعىسىنداعى احۋالدى ۋكراينا، رەسەي، گەرمانيا جانە فرانسيا باسشىلارىنىڭ تاياۋدا استانادا ءوتۋى ىقتيمال كەزدەسۋى اياسىندا رەتتەۋ شارالارى تالقىلاندى، دەپ حابارلادى اقوردانىڭ باسپا ءسوز قىزمەتى.
ەكى مەملەكەتتىڭ كوشباسشىلارى مينسك ۋاعدالاستىعىن قاتىسۋشى تاراپتاردىڭ مۇلتىكسىز جۇزەگە اسىرۋى قاجەتتىگىن، مۇنىڭ تەزىرەك بەيبىت رەتتەۋگە جانە سەنىمدى نىعايتۋعا سەپتىگىن تيگىزەتىنىن اتاپ ايتتى.
تاراپتار ەكى ەل اراسىندا بەلسەندى ءارى سىندارلى ساياسي ديالوگ ورناعانىنا توقتالدى، سونداي- اق 2012 - جىلى اقپاندا قول قويىلعان قازاقستان مەن گەرمانيانىڭ شيكىزات، ونەركاسىپ جانە تەحنولوگيا سالالارىنداعى سەرىكتەستىك تۋرالى ۇكىمەتارالىق كەلىسىمىن ناقتى ىسكە اسىرۋدىڭ ماڭىزدىلىعىن اتاپ ءوتتى.
سونىمەن قاتار، يننوۆاتسيالىق- ينۆەستيتسيالىق ىنتىماقتاستىق اياسىن كەڭەيتۋدىڭ ءبىرقاتار اسپەكتىلەرى جانە استانادا وتەتىن حالىقارالىق ەكسپو-2017 كورمەسىنە دايىندىق بارىسى قاراستىرىلدى.
