ەلشى حارش كۋمار دجاين: قازاقستان مەن ءۇندىستان مەملەكەت باسشىلارىنىڭ كەزدەسۋىن ۇيىمداستىرۋ كەرەك
دەپ حابارلادى پالاتانىڭ باسپا ءسوز قىزمەتى.
پارلامەنتتىڭ جوعارعى پالاتاسىنىڭ باسشىسى قازاقستان قازىرگى الەمدەگى بەدەلدى مەملەكەت بولىپ تابىلاتىن ينديامەن كوپ سالالى ىنتىماقتاستىقتى دامىتۋعا زور ماڭىز بەرەتىنىن اتاپ ءوتتى. ءتوراعانىڭ پىكىرىنشە، مۇنداي ىنتىماقتاستىقتىڭ الەۋەتى زور، سوعان بايلانىستى ونى ىسكە اسىرۋعا جۇمىلا كۇش سالۋ كەرەك. ق. توقايەۆ ەكى ەل اراسىنداعى پارلامەنتتىك الماسۋلاردىڭ ماڭىزدىلىعىن اتاپ ءوتتى.
ەلشى ءۇندىستان قازاقستاننىڭ نەگىزگى حالىقارالىق باستامالارىن قولدايتىنىن، ءبىزدىڭ ەلىمىزبەن ىنتىماقتاستىقتى دامىتۋعا مۇددەلىلىك تانىتىپ وتىرعانىن مالىمدەدى جانە وسى ماقساتتا جوعارى دەڭگەيدەگى كەزدەسۋلەر ۇيىمداستىرۋ قاجەت دەپ سانايدى.
سەنات ءتوراعاسى قازاقستاننىڭ ەكونوميكالىق دامۋىنىڭ لوكوموتيۆىنە اينالاتىن ەلىمىزدىڭ «نۇرلى جول» جاڭا ەكونوميكالىق ساياساتىن مەيمانعا تانىستىردى جانە ءۇندى كاسىپكەرلەرىن ونى ىسكە اسىرۋعا بەلسەندى اتسالىسۋعا شاقىردى.
الەمدىك جانە ءداستۇرلى دىندەر ليدەرلەرى سيەزى حاتشىلىعىنىڭ باسشىسى رەتىندە ق. توقايەۆ سەزدى شاقىرۋ جونىندەگى قازاقستان باستامالارىن دامىتۋعا كوپتەگەن جىلدار بويى بەلسەندى قاتىسقانى ءۇشىن ءۇندىستان وكىلدەرىنە ريزاشىلىق ءبىلدىردى.
«بيىلعى ماۋسىم ايىندا استانادا V سيەز وتەدى، ول ءدىني كوشباسشىلار مەن ساياسي قايراتكەرلەردىڭ بەيبىتشىلىك جانە دامۋ جولىنداعى ءۇنقاتىسۋىنا ارنالادى. الداعى فورۋم جەر جۇزىندەگى ورنىقتى بەيبىتشىلىك پەن كەلىسىم جولىنداعى ءدىني ليدەرلەر مەن ساياساتكەرلەردىڭ ءوزارا ءىس- قيمىلىنىڭ وڭتايلى ۇلگىسىن ىزدەستىرۋ جونىندەگى پىكىرسايىستار مەن جاڭا جاسامپازدىق يدەيالارىنىڭ مولدىعىمەن ەستە قالادى دەپ ويلايمىن»، - دەدى سەنات ءتوراعاسى.
اۆتور: سەرىك قاراجان
