10:39, 08 - قاڭتار 2015 | GMT +5
قازاقستان پاريجدەگى لاڭكەستىكتى ايىپتادى
استانا. قازاقپارات - قازاقستان 7 - قاڭتار كۇنى فرانسيا استاناسى پاريج قالاسىندا ورىن العان شابۋىلدى ايىپتايدى. قازا تاپقانداردىڭ وتباسى مەن جاقىندارىنا قايعىرىپ كوڭىل ايتامىز، دەپ حابارلادى ق ر س ءى م باسپا ءسوز قىزمەتىنەن.
«ەكسترەميزمنىڭ بارلىق تۇرىمەن كۇرەستە ءبىز فرانسيانى قولدايمىز جانە وسىنداي زۇلىم قاتەرگە توتەپ بەرۋ ىسىندە حالىقارالىق سەرىكتەستەكتەرمەن بىرىگىپ جۇمىستى جالعاستىرامىز»، دەلىنگەن حابارلامادا.
سارسەنبى كۇنى تاڭەرتەڭ Charlie Hebdo ساتيرا جۋرنالىنىڭ رەداكسياسى ورنالاسقان عيماراتقا باسا- كوكتەپ كىرگەن تەرروريستەر ىشىندەگى قىزمەتكەرلەرگە وق جاۋدىرىپ، ارتىنشا كولىكپەن ىزدەرىن سۋىتقان بولاتىن. سالدارىنان 12 ادام مەرت بولىپ، بىرنەشە ادام اۋىر جاراقاتاندى.
