ەۋرازيالىق ەكونوميكالىق وداق تۋرالى شارت كۇشىنە ەندى
2014-جىلدىڭ 29- مامىرىندا ەۋرازيالىق ەكونوميكالىق وداق تۋرالى شارتقا ءۇش مەملەكەت باسشىلارى استانادا قول قويدى. كەيىننەن ەۋرازيالىق وداق كەڭىستىگى ارمەنيا رەسپۋبليكاسىمەن تولىعىپ، «ۇشتىك» وداق بولىپ قۇرىلعان ۇيىم، «تورتتىك» بىرلەستىك رەتىندە جۇمىسقا كىرىسىپ وتىر.
ايتا كەتەرلىگى، تەك سوڭعى بەس جىلدا قازاقستاننىڭ كەدەن وداعىنا قاتىسۋشى ەلدەرمەن اراداعى تاۋار اينالىمى 88 پايىزعا ءوسىپ، 24 ميلليارد دوللارلىق مولشەرگە جەتكەن. رەسەي مەن بەلارۋس ەلىنە قازاقستاندىق ەكسپورت 63 پايىزعا ۇلعايىپ، 6 ميلليارد دوللار قۇرادى.
ەۋرازيالىق ەكونوميكالىق وداق - بۇل جەر شارىنىڭ ەڭ ءىرى تۇتىنۋشىلىق نارىقتارىنىڭ ءبىرى. بۇل - ەنەرگيا رەسۋرستارىنىڭ ءىرى ەكسپورتتاۋشىسى بولىپ سانالاتىن ينتەگراتسيالىق بىرلەستىك. پرەزيدەنت نۇرسۇلتان نازاربايەۆتىڭ سوزىمەن ايتساق، بۇگىن ХХІ عاسىردىڭ جاڭا گەوەكونوميكالىق اقيقاتى دۇنيەگە قادام جاساپ وتىر.
