استانا اكىمى ەلباسىنىڭ اتىنان ۇلى وتان سوعىسى ارداگەرلەرىن جاڭا جىلمەن قۇتتىقتادى
ادىلبەك جاقسىبەكوۆ ۇلى وتان سوعىسىنىڭ ارداگەرلەرى رايسا سافونيچيەۆاعا، تەزەكپاي ءابدىراحمانوۆقا جانە ۆلاديمير كالسينگە زور دەنساۋلىق پەن بار جاقسىلىقتى تىلەپ، سىيلىقتار تابىس ەتتى.
«سىزدەر سوعىس جانە سوعىستان كەيىنگى جىلدارى قاجىرلى ەڭبەكتەرىڭىزبەن بۇكىل حالىقتىڭ قۇرمەتىنە بولەنىپ، كەيىنگى ۇرپاققا ۇلگى بولدىڭىزدار. قازاقستاندىقتار مۇنى ماڭگى جادىندا ساقتايدى، ءاردايىم ارداگەرلەردى سىيلاپ، ولارعا قامقورلىق كورسەتەدى. سىزدەرگە زور دەنساۋلىق، سارقىلماس قۋات، ۇزاق جانە باقىتتى ءومىر، سىزدەرگە جانە جاقىندارىڭىزعا بارلىق جاقسىلىقتى تىلەيمىن» ، - دەپ ەلوردا اكىمى پرەزيدەنت نۇرسۇلتان نازاربايەۆتىڭ قۇتتىقتاۋىن ارداگەرلەرگە وقىدى.
ارداگەرلەر مەملەكەت باسشىسىنا قامقورلىعى مەن ىقىلاسى ءۇشىن العىستارىن ءبىلدىردى، دەپ حابارلادى ەلوردا اكىمدىگىنىڭ رەسمي سايتىنان. 
