قورعانىس ءمينيسترى ق ر پرەزيدەنتىنە ارميانى زاماناۋي قارۋ-جاراقپەن جابدىقتاۋ جونىندە باياندادى

استانا. قازاقپارات - ەلباسى نۇرسۇلتان نازاربايەۆ قورعانىس ءمينيسترى يمانعالي تاسماعامبەتوۆتى قابىلدادى، دەپ حابارلادى اقوردانىڭ باسپا ءسوز قىزمەتى.

ي. تاسماعامبەتوۆ كەزدەسۋ بارىسىندا مەملەكەت باسشىسىنا مينيسترلىكتىڭ قازىرگى قىزمەتى مەن كەلەر جىلعى مىندەتتەرى تۋرالى باياندادى.

مەملەكەت باسشىسى قارۋلى كۇشتەردىڭ جاۋىنگەرلىك قابىلەتىن ءارى قاراي جەتىلدىرۋ مەن ەلدىڭ قورعانىس- ونەركاسىپ كەشەنىن دامىتۋدىڭ ماڭىزدىلىعىنا نازار اۋداردى.

قورعانىس ءمينيسترى سونداي-اق قازاقستان ارمياسىن زاماناۋي قارۋ-جاراقپەن جانە اسكەري تەحنيكامەن جابدىقتاۋ جونىندە جۇرگىزىلىپ جاتقان جۇمىستار تۋرالى ايتتى.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرمالار بەردى.