ق ر ۇكىمەتىنىڭ قاۋلىسىمەن جاڭا جول ءجۇرىسى قاعيدالارى بەكىتىلدى

استانا. قازاقپارات - قازاقستان رەسپۋبليكاسى ۇكىمەتىنىڭ قاۋلىسىمەن جول ءجۇرىسى قاعيدالارىن، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى، كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسى بەكىتىلدى.

قازاقپارات قۇجاتتىڭ تولىق ءماتىنىن تاراتادى.

قازاقستان رەسپۋبليكاسى ۇكىمەتىنىڭ قاۋلىسى  №1196

2014 - جىلعى 13 - قاراشا،  استانا، ۇكىمەت ءۇيى

جول ءجۇرىسى قاعيدالارىن، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى، كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى

«جول ءجۇرىسى تۋرالى» 2014 - جىلعى 17 - ساۋىردەگى قازاقستان رەسپۋبليكاسىنىڭ زاڭى 9- بابىنىڭ 7) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان:

1) جول ءجۇرىسى قاعيدالارى؛

2) كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەر؛

3) كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسى بەكىتىلسىن.

2. قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.

3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.

جول ءجۇرىسىنىڭ نەگىزگى قاعيدالارى، جۇرگىزۋشىلەردىڭ، جاياۋ جۇرگىنشىلەر مەن جولاۋشىلاردىڭ جالپى مىندەتتەرى جانە باسقا دا جايتتار تولىعىمەن رەسپۋبليكالىق باسىلىمدا جاريالاندى.