س ق و-دا اۋدان اكىمى دورەكى قىلىعى ءۇشىن جاۋاپكەرشىلىككە تارتىلدى
بۇل تۋرالى تارتىپتىك كەڭەستىڭ حاتشىلىعىنان حابارلادى.
مەملەكەتتىك قىزمەتكەرلەر جىبەرگەن قاتەلىكتەر مەملەكەتتىك ساتىپ الۋ سالاسىندا، جەمقورلىققا قارسى ارەكەت ەتۋدە نورماتيۆتىك-قۇقىقتىق اكتىلەردى ساقتاماۋلارىمەن، سونىمەن بىرگە مەملەكەتتىك قىزمەتكەرلەردىڭ قىزمەتتىك ەتيكانى بۇزۋىمەن بايلانىستى.
«ماسەلەن، ءۋاليحانوۆ اۋدانىنىڭ اكىمى مەملەكەتتىك قىزمەتكەرلەردىڭ قىزمەتتىك ەتيكاسى ەرەجەلەرىن بۇزدى. قىزمەتتىك تەرگەۋ ناتيجەسىمەن اكىمنىڭ جالپىعا ورتاق قابىلدانعان ءمورالدىق-ەتيكالىق نورمالاردى ساقتاماي، ونىڭ اۋدانداعى مەملەكەتتىك مەكەمەلەرىنىڭ قىزمەتكەرلەرىنە كورسەتكەن دورەكى قىلىعى انىقتالدى»، - دەپ كورسەتىلگەن حابارلامادا.
ەسىل اۋدانىندا اۋدان باسشىسى مەملەكەتتىك ساتىپ الۋدىڭ الدىن الا قاراستىرىلعان پروتسەدۋرالارىنسىز ساتىپ الۋ قىزمەتتەرىن جۇزەگە اسىرۋ بويىنشا زاڭسىز شەشىم قابىلداعان، سونىمەن بىرگە جىلدىق جوسپارمەن قاراستىرىلماعان ساتىپ الۋدى جۇزەگە اسىرعان.
سىبايلاس جەمقورلىققا قاتىستى قۇقىقبۇزۋشىلىق جاساعانى ءۇشىن پەتروپاۆل قالاسىنىڭ ۋچاسكەلىك پولتسيا ينسپەكتورىنا قاتىستى ءىس تە قارالدى. ول ءوزىنىڭ قىزمەتتىك جاعدايىن پايدالانىپ، بۇرىن ءوزى اكىمشىلىك جاۋاپكەرشىلىككە تارتقان ازىق-تۇلىك دۇكەنىنىڭ يەسىنەن اقشالاي قارجات تالاپ ەتكەن.
تارتىپتىك كەڭەس وتىرىسىنىڭ قورىتىندىسى بويىنشا 6 مەملەكەتتىك قىزمەتكەر مەن ولارعا تەڭەستىرىلگەن تۇلعالاردى جۇمىستان بوساتۋ تۋرالى ۇسىنىستار شىعارىلدى، سىبايلاس جەمقورلىققا قاتىستى قۇقىقبۇزۋشىلىقتارى ءۇشىن اتقارىپ وتىرعان لاۋازىمىنا تولىق سايكەس كەلمەيدى دەپ تانىلىپ، ەسكەرتۋ مەن قىزمەتتىك ەتيكانى بۇزعان ءبىر ادامعا قاتاڭ سوگىس جاريالاندى.
