ق ر پرەزيدەنتى «پارىز» بايقاۋىنىڭ باس جۇلدەسىن «قازگەرمۇناي» كومپانياسىنا تاپسىردى

استانا. قازاقپارات - بۇگىن استاناداعى تاۋەلسىزدىك سارايىندا يندۋستريالاندىرۋ كۇنى اياسىنداعى ەلباسى نۇرسۇلتان نازاربايەۆ «پارىز» بيزنەستىڭ الەۋمەتتىك جاۋاپكەرشىلىگى بايقاۋىنىڭ «گران-ءپريىن» تاپسىردى.

اتالعان ماراپاتقا قىزىلوردا وبلىسىنداعى «قازگەرمۇناي» ب ك» ج ش س يە بولدى.

«اسا قۇرمەتتى نۇرسۇلتان ءابىش ۇلى! ءسىز سەرىكتەستىكتىڭ جۇمىسىنا جوعارى باعا بەرىپ، سەنىم ارتقانىڭىز ءۇشىن كاسىپورىن اتىنان شىن جۇرەكتەن العىسىمىزدى بىلدىرەمىز. رەسپۋبليكامىزدىڭ ۇزدىك كاسىپورىندارىنىڭ قاتارىنا ەنۋ - ۇلكەن قۇرمەت. بۇل ارداقتى ماراپاتتى الۋعا ءبىزدىڭ ۇزاق جىلدار بويى تىنباي ەڭبەك ەتىپ، تاباندىلىعىمىزبەن جەتىپ وتىرمىز دەپ ويلايمىن»، - دەدى كومپانيانىڭ باس ديرەكتورى مەدەت كارىم.

وسىمەن جەتىنشى مارتە وتكىزىلىپ وتىرعان بايقاۋعا قاتىسۋعا نيەتتى جەكە كاسىپكەرلىك سۋبەكتىلەر سانىنىڭ ارتۋى بايقالۋدا. ق ر پرەزيدەنتىنىڭ جارلىعىمەن جاريالانعان «پارىز» بيزنەستىڭ الەۋمەتتىك جاۋاپكەرشىلىگى بايقاۋىنا بيىل قاتىسۋعا بارلىق وڭىرلەردەن 584 ءوتىنىم بەرىلگەن. كونكۋرس وتكىزىلە باستاعاننان بەرى 2,5 مىڭ شاعىن، ورتا جانە ءىرى كاسىپورىندار قاتىستى. اعىمداعى جىلى بايقاۋعا قاتىسۋعا بەرىلگەن وتىنىمدەر سانى بويىنشا قوستاناي وبلىسى كوش باستاپ تۇر.

اۆتور: رۋسلان عابباسوۆ