ءبىز جاڭا مۇناي وڭدەۋ زاۋىتىن سالۋىمىز كەرەك - ن. نازاربايەۆ

استانا. قازاقپارات - اتىراۋدا حوش ءيىستى كومىرسۋتەك ءوندىرىسى كەشەنى ىسكە قوسىلدى.

بۇگىن «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپى ۇلتتىق تەلەكوپىر شاراسى بارىسىندا ق ر پرەزيدەنتى نۇرسۇلتان نازاربايەۆ اتالعان نىساننىڭ ىسكە قوسىلۋىنا رۇقسات بەردى.

 «حوش ءيىستى كومىرسۋتەك ءوندىرىسى كەشەنى جىلىنا تاۋارلىق بەنزين ءۇشىن جوعارى وكتاندى رەسۋرستار، سونىمەن قاتار مۇناي حيمياسى سالاسى ءۇشىن بازالىق شيكىزات - 133 مىڭ توننا بەنزول مەن 496 مىڭ توننا پاراكسيلول وندىرەتىن بولادى. ءبىز قۇرىلعىنى سىناققا قوسۋعا دايىنبىز»، - دەگەن «ا م ءو ز» ج ش س- ءنىڭ باس ديرەكتورى قايرات ورازبايەۆ ەلباسىنان كەشەندى سىناققا قوسۋعا رۇقسات سۇرادى.

«داعدارىس، مۇناي مەن گاز باعاسىنىڭ تومەندەۋى جاعدايىندا وڭدەۋ قيىندىقتان شىعۋ جولى بولىپ تابىلادى. ءبىز مۇنى تەزىرەك جاساساق، داميتىن بولامىز. ءبارىبىر دە بىزگە جاڭا مۇناي وڭدەۋ زاۋىتىن سالۋ كەرەك. دايىن ءونىمدى كوپتەپ شىعارۋ قاجەت»، - دەگەن ق ر پرەزيدەنتى كەشەندى ىسكە قوسۋعا رۇقسات بەردى.

اۆتور: مارلان جيەمباي