ن. نازاربايەۆ: ۇ ق ش ۇ ماقساتى - ايماقتاعى قاۋىپسىزدىكتى نىعايتۋ جانە دامۋ ءۇشىن بەيبىت ءارى تۇراقتى جاعدايلاردى قامتاماسىز ەتۋ
بۇل تۋرالى ماسكەۋدە ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى كەزىندە ق ر پرەزيدەنتى نۇرسۇلتان نازاربايەۆ مالىمدەدى.
ق ر پرەزيدەنتى قاتىسۋشى مەملەكەتتەردىڭ جاھاندىق سىن- قاتەرلەرگە قارسى قيمىلداردىڭ ۇجىمدىق شارالارىن شىعارۋ ءۇشىن ۇيىمنىڭ جاۋاپتى ايماعىنداعى جاعداي تۋرالى پىكىرلەرىمەن الماسۋ قاجەتتىلىگى تۋرالى اتاپ ءوتتى.
«ءبىز ۇ ق ش ۇ جاۋاپتى ايماعىنداعى جاعدايدى جاھاندىق سىن- قاتەرلەرگە قارسى قيمىلداردىڭ ۇجىمدىق شارالارىن شىعارۋ ءۇشىن تالقىلايمىز. ءبىزدىڭ ورتاق مىندەتىمىز ايماعىمىزداعى دامۋ ءۇشىن بەيبىت ءارى تۇراقتى جاعدايلاردى قامتاماسىز ەتۋ ءۇشىن قاۋىپسىزدىكتى نىعايتۋداعى كومەك كورسەتۋ بولىپ تابىلادى» ، - دەدى مەملەكەت باسشىسى.
«ۇ ق ش ۇ باسقا ەلدەرمەن جانە حالىقارالىق ۇيىمدارمەن قۇرىلىمدىق ءوزارا ارەكەتتەستىك ەتۋ ءۇشىن اشىق جانە بارلىعىمىز قابىلداعان جارعىعا سايكەس قىزمەت ەتۋدە» ، - دەپ اتاپ ءوتتى ەلباسى.
«بۇگىن قابىلداناتىن شەشىمدەر ۇ ق ش ۇ- نا مۇشە مەملەكەتتەر اراسىنداعى قاۋىپسىزدىكتى قامتاماسىز ەتۋ سالاسىنداعى ىنتىماقتاستىقتى ودان ءارى نىعايتۋعا، ءبىزدىڭ ۇيىمىمىزدىڭ قىزمەتىنىڭ تيىمدىلىگىن ارتتىرۋعا سەپتىگىن تيگىزەتىنىنە ۇمىتتەنەمىن» ، - دەپ قوسىپ ءوتتى ق ر پرەزيدەنتى.
