ن. نازاربايەۆ: شىعىس ۋكرايناداعى پروبلەمالاردى شەشۋگە باعىتتالعان جۇمىستارعا قولداۋ بىلدىرەمىن
بۇل تۋرالى بۇگىن كيەۆكە جۇمىس ساپارىمەن كەلگەن ق ر پرەزيدەنتى نۇرسۇلتان نازاربايەۆ ۋكراينا پرەزيدەنتى پەتر پوروشەنكومەن ەكىجاقتى كەزدەسۋى بارىسىندا ايتتى، دەپ حابارلادى قازاقپارات ءتىلشىسى.
كەزدەسۋ بارىسىندا ق ر پرەزيدەنتى قازاقستان مەن ۋكراينا اراسىنداعى تاۋار اينالىمى 4 ميلليارد دوللارعا جەتكەنىن، الايدا وتكەن جىلى بۇل كورسەتىش ۇشتەن بىرگە قۇلدىراعاندىعىن اتاپ ءوتتى.
«دەگەنمەن، بۇل كورسەتكىشكە قايتا ورالۋعا مۇمكىندىك بار. ۇكىمەت ارالىق كوميسسيا جۇمىس ىستەۋى ءتيىس جانە مۇنى بىزدەر قالاي جاسايتىندىعىمىزدىڭ ءتۇيىسۋ نۇكتەسىن تابۋى قاجەت. مەن ورىن الىپ جاتقان قيىندىقتارعا قاراماستان ونداي مۇمكىندىك بار ەكەندىگىن بىلەمىن»، - دەدى ن. نازاربايەۆ.
قازاقستان كوشباسشىسى ءوز سوزىندە شىعىس ۋكرايناعا جانە باسقا دا تەرريتوريالارداعى پروبلەمالاردى شەشۋگە، ەلدەگى جالپى تۇراقتىلىقتى قالپىنا كەلتىرۋگە باعىتتالعان بارلىق جۇمىستارعا قولداۋ بىلدىرەتىندىگىن باسا ايتتى.
«ەۋروپاعا، رەسەيگە جانە ۋكرايناعا دا تەڭ تاراپتى دوستىق قارىم- قاتىناسقا يە بولا وتىرىپ، مەنىڭشە، ءبىز سىزبەن بۇل ماسەلەدە بىرلەسىپ جۇمىس ىستەي الامىز»، - دەدى ن. نازاربايەۆ.
اۆتور: مارلان جيەمباي
