ۋكراينا پرەزيدەنتى ن. نازاربايەۆقا شاقىرتۋدى قابىل الىپ، كيەۆكە كەلگەنى ءۇشىن ريزاشىلىعىن ءبىلدىردى
بۇل تۋرالى قازاقپارات ءتىلشىسى حابارلادى.
«مەنىڭ شاقىرۋىمدى قابىل الىپ، بىزگە كەلگەنىڭىز ءۇشىن شىنايى ريزامىن. دوستاس مەملەكەتتەردىڭ كوشباسشىلارى اراسىنداعى پىكىر الماسۋدىڭ مۇنداي ۇزىلىسىنە جول بەرمەۋ قاجەت دەپ سانايمىن»، - دەدى پوروشەنكو.
ۋكراينا كوشباسشىسى ەكى ەلدىڭ اراسىنداعى مادەني- گۋمانيتارلىق، ەكونوميكالىق، ساياسي، قورعانىس سالالارىنداعى ىنتىماقتاستىقتىڭ الەۋەتى زور ەكەنىن دە باسا ايتتى.
«مەنىڭشە، بىزدەرگە اڭگىمەلەسەرلىك جايتتار بار جانە بىزدەردىڭ ەلدەرىمىز اراسىنداعى ءتۇرلى كەدەرگىلەردى جويۋ جولىندا جۇمىس ىستەيتىن ۇكىمەت ارالىق كوميسسيانى ىسكە قوسۋ قاجەت. قۇرمەتتى پرەزيدەنت مىرزا، ءسىزدىڭ ۋكراينانىڭ ەگەمەندىگىن، جەرىنىڭ تۇتاستىعىن، ەگەمەندىگىن قولداۋداعى مىعىم ءارى تۇراقتى ۇستانىمىڭىزعا جەكە العىسىمدى بىلدىرگىم كەلەدى»، - دەدى ول.
سونىمەن قاتار پ. پوروشەنكو ق ر كوشباسشىسىمەن مينسكىدە كەزدەسكەنىن اتاپ ءوتىپ، سول ۋاقىتتا قول جەتكىزىلگەن مالىمدەمەلەر مەن ۋاعدالاستىقتار ناقتى ورىندالىپ وتىرعانىن ايتتى.
اۆتور: مارلان جيەمباي
