ماڭگىلىك ەل يدەياسى توڭىرەگىندە توپتاسۋ كەرەك - ق ر پرەزيدەنتى

استانا. قازاقپارات - ماڭگىلىك ەل يدەياسى اياسىندا ەكونوميكامىزدى نىعايتا ءتۇسۋ كەرەك. بۇل تۋرالى ەلىمىزدىڭ جەتەكشى تەلەارنالار جۋرناليستەرىنە بەرگەن سۇحباتىندا ق ر پرەزيدەنتى نۇرسۇلتان نازاربايەۆ ءمالىم ەتتى.

«ماڭگىلىك ەل - بۇل يدەيا. وسى يدەيا توڭىرەگىندە توپتاسۋ كەرەك. ماڭگىلىك ەل بولۋ جايىندا تونىكوك بابامىز ايتقان بولاتىن. ءبىزدىڭ جىراۋلاردىڭ دا اۋزىنان شىققان. بۇل تۇرعىدا «مەملەكەتىمىز ماڭگى بولسىن، ەلىمىز ماڭگى بولسىن، ءتىلىمىز وشپەسىن، بارلىعى ۇزاعىنان بولسىن» دەگەن ىزگى تىلەك. اۋىزشا ايتا سالعاننان ماڭگىلىك ەل بولمايدى. وسىنى جاساۋ ءۇشىن كۇرەسۋىمىز كەرەك، ياعني ەكونوميكانى نىعايتىپ، جاستار ساۋاتتى بولۋى شارت، مەملەكەتتىڭ قارۋ- جاراعىن ساي ەتىپ، قاۋىپسىزدىك كۇشتى بولۋى قاجەت. كورشى ەلدەرمەن تاتۋ بولعان ءجون، بۇل دۇنيەدە دوس تابۋ ماڭىزدى»، - دەپ توقتالدى ەلباسى.

 وسى ورايدا مەملەكەت باسشىسى «نۇرلى جول»، 2050 - جىلعا دەيىنگى باعدارلاما، ەڭ دامىعان 30 ەلدىڭ قاتارىنا كىرۋ ماقساتىمىزدىڭ بارلىعى ماڭگىلىك ەلدىڭ يدەياسى اياسىنداعى ارەكەت ەكەنىن اتاپ ءوتتى.

اۆتور: رۋسلان عابباسوۆ