ەلباسى: وتانعا، ەلگە دەگەن ۇلى سەزىم اتا- انامنان بويىما دارىعان قۋات
سۇحبات بارىسىندا تىلشىلەر تاراپىنان ەلباسىعا سەزىم تاقىرىبىنا سۇراق قويىلىپ، ماحاببات ۇعىمى جونىندەگى تۇسىنىگىنە قىزىعۋشىلىق بىلدىرىلگەن ەدى. «ماحاببات - بۇل دۇنيەدەگى ۇلكەن ۇعىم، اۋقىمى كەڭ. وتانعا دەگەن ماحاببات، تۋعان جەرىڭە دەگەن ماحاببات، ءوز جۇمىسىڭا دەگەن ماحاببات بار، اۋقىم- تۇسىنىگى كەڭ. ماحابباتسىز دۇنيە بوس، ماحابباتسىز، سەزىمسىز ەشنارسە جاساۋ مۇمكىن ەمەس»، - دەدى ن. نازاربايەۆ.
« مەن كەيدە وتىرىپ الىپ، ءوزىمىزدىڭ 20 جىلدىعىمىزدا قانداي قيىن كەزەڭدەردەن وتكەنىمىزدى ەسكە الامىن. كەڭەس وداعى ىدىرادى، دۇكەن سورەلەرى قاڭىراپ بوس قالدى، جالاقى مەن زەينەتاقىنى تولەۋگە ەشقانداي قاراجات بولمادى. سوندا مەن الماتىدا ۇيدەن كولىكپەن شىققاندا كوشەدەگى ادامدارعا جولدا توقتاپ، كوشەنىڭ ورتاسىندا تۇرىپ- اق اڭگىمەلەسەتىنمىن. مىڭداعان ساپارلار بولدى، مىڭداعان ميتينگىلەردە ءسوز سويلەپ، تۇسىندىردىك. سوسىن مەملەكەتتى تاقىر جەردەن قۇردىق: ءوزىمىزدىڭ ارميا دا، ءوزىمىزدىڭ ۇكىمەت تە، پوليتسيا دا، ساياسات تا بولمادى. مەكتەبىمىز دە، كونستيتۋتسيامىز دا جوق ەدى. وسىنىڭ ءبارىن قۇرۋعا تۋرا كەلدى. كوپتەگەن ەلدەردىڭ كونستيتۋتسيالارىن زەردەلەدىك، قازاقستانعا كەلەتىن مەملەكەتتەردى ىزدەدىك. سوسىن وڭتۇستىك شىعىس ازيانىڭ ەكىنشى داعدارىسى باستالدى. بۇنى دا ەڭسەرۋ كەرەك بولدى. ايتپاقشى، ءبىز قازىر مۇناي دەپ وتىرمىز عوي، ال 1998 - جىلدارى مۇنايدىڭ باررەلى 10 دوللاردى عانا قۇرايتىن. ال مىنە، 60 دوللارعا ءتۇسىپ ەدى، ءبىز ويبايلاي باستادىق»، - دەدى ن. نازاربايەۆ.
سونىمەن قاتار، ەلباسى بۇگىنگە دەيىنگى مەملەكەتتى قالىپتاستىرۋ ءىسىنىڭ ءبارى ءوزىنىڭ كوز الدىندا وتكەنىن، ءبارىن ءوز جۇرەگىمەن وتكىزگەنىن جەتكىزدى.
«بۇنىڭ ءبارى مەنىڭ اتا- انامنان بويىما دارىعان قۋات، مەنىڭ ىشىمدە سول بار ءارى ول مەنى ۇدايى العا جەتەلەيدى. ەكىنشىدەن، بۇل - سەزىم. وتانعا، ەلگە دەگەن ۇلى سەزىم. بۇل سەزىمدى كوتەرىپ ءجۇرىپ قانا ەمەس، ونى كورسەتە ءبىلۋ دە كەرەك»، - دەدى پرەزيدەنت.
قانات مامەتقازى ۇلى
