جاستارعا قازاق حالقىنىڭ تامىرى تەرەڭدە جاتقانىن جەتكىزۋ كەرەك - مەملەكەت باسشىسى
«عالىمدارعا ايتىپ، ءتيىستى جۇمىستاردى ىستەپ كەلە جاتىرمىز. ءبىزدىڭ جاستار مەن جالپى قازاق حالقى ەلىمىزدىڭ مىڭ جىلدىق تاريحى بار ەكەنىن ءبىلۋى كەرەك. عالىمدار قىتايعا، يرانعا، اۋعانستانعا، تاشكەنتكە جانە باسقا دا جەرلەرگە جىبەرىلىپ، ەجەلدەن قالعان جازۋلار مەن جادىگەرلەردى زەرتتەدى»، - دەدى مەملەكەت باسشىسى.
وسى تۇرعىدا ەلباسى ەلىمىزدىڭ اۋماعىندا ەجەلدە مەكەن ەتكەن ارعى عۇندار ءبىزدىڭ بابالارىمىز ەكەنىن، ودان بەرى قاراي تۇركى قاعاناتى، سودان كەيىنگى التىن وردا كەزەڭىن بارلىعىن قامتىعان كەزدە 2 مىڭ جىلعا جەتەتىن تاريحىمىز بار ەكەنىن اتاپ ءوتتى.
«سونىڭ بارلىعىنان ءوتىپ، ءتىلىمىزدى، ءدىنىمىزدى، ۇلتتىعىمىزدى ساقتاپ قالعان قازاق حالقى قانداي كەرەمەت! ەشقايسىسىمەن قوسىلىپ كەتكەن جوق»، - دەدى پرەزيدەنت.
وسى ورايدا ەلباسى مەملەكەتتىگىمىزدىڭ جولى ەجەلدەن كەلە جاتقانىن جاس ۇرپاققا تاربيەلەۋ كەرەكتىگىن قاداپ ايتتى.
سونىمەن قاتار، مەملەكەت باسشىسى قازاق حاندىعىنىڭ 550 جىلدىعى تۋرالى ايتا كەلە: «ءبىزدىڭ جاستارىمىزعا تامىرىمىز تەرەڭدە جاتقانىن كورسەتۋ كەرەك» ، دەدى.
اۆتور: رۋسلان عابباسوۆ
