مەملەكەت باسشىسى: تەرروريزمدى يسلام دىنىنە بايلانىستىرۋ ەش قيسىنسىز
«يسلام» دەگەننىڭ ءوزى اراب تىلىنەن اۋدارعاندا بەيبىتشىلىك دەگەن ءسوزدى بىلدىرەدى، سوندىقتان دا يسلام تەرروريزمى دەگەن قيسىنسىز. تەرروريزمدە ۇلت تا، ءدىن دە جوق.
ماسەلەن، «ي گ ي ل» اتالىپ جۇرگەندى قاراڭىز. ولاردىڭ اراسىندا ەۋروپالىقتار، سونىڭ ىشىندە اعىلشىندا دا، فرانسۋزدار دا ءجۇر. 300 فرانسۋز سول ۇيىمعا ەنگەن. ورتالىق ازيادان دا، تۇركيادان دا، باسقا جاقتان بارعاندار دا وندا بار. ولاردا ۇلت تا، ءدىن دە جوق. بۇندا قانداي دا ءبىر پرينتسيپپەن بىرىككەن، اقشا ءۇشىن جۇمىس ىستەيتىن ادامدار بار»، - دەي كەلە ەلباسى بۇگىنگى كۇنى بۇكىل الەم قاۋىپ تۋدىرىپ وتىرعان تەرروريزمگە قارسى جۇمىلعانىن اتاپ ءوتتى.
«مەن يسلامعا تەرروريزمدى تەلۋدى ەش قولدامايمىن. ال ءبىزدىڭ ىشىمىزدە ايتىلاتىن اڭگىمە يسلام نەگىزىنىڭ دۇرىس تۇسىنىگىنە باعىتتالۋى ءتيىس. ول ءۇشىن ساۋاتتى ۋاعىزدار بولۋى كەرەك. مەشىتتەر سالىنىپ جاتىر، مەشىتكە باراتىن ادامدار دا كوپ. «ءبىر ادامدى ولتىرسەڭ، ادامزاتتى ولتىرگەنمەن بىردەيسىڭ» دەگەن قۇراندا ءسوز بار. ال ەندەشە دىنگە تەلىنەتىن قانداي تەرروريزم بۇل؟ سوندىقتان دا، جالپى تەرروريزم دەگەننىڭ ءوزىن ادامزاتقا قارسى شىققان جاۋ رەتىندە كورۋگە ءتيىسپىز، بۇدان جاستارىمىز الىس بولۋى كەرەك. قازىر قاراجاتى، جاعدايى جوق، جۇمىسسىز، اۋرۋ- سىرقاۋ ادامدارعا اقشا بەرىپ، كەيبىرەۋىنىڭ وتباسىمەن سول جاققا اپارادى، ايەلدەرى قايتامىن دەسە ولاردى جىبەرمەيدى. وسى تۇرعىدان حالىققا، سونىڭ ىشىندە جاستارعا ايتارىم، ولار وسىنداي جامان پيعىلدان، بولاشاعى بۇلىڭعىر پيعىلدان اۋلاق بولۋى كەرەك»، - دەدى ەلباسى.
اۆتور: قانات مامەتقازى ۇلى
