ءماجىلىس تۇڭعىش پرەزيدەنت كۇنىنە وراي حالىقارالىق كونفەرەنتسيا وتكىزەدى
«پارلامەنت ءماجىلىسىنىڭ باستاماسى بويىنشا وتكەن كونفەرەنتسيا بارىسىندا وسىمەن ءۇشىنشى رەت ق ر پرەزيدەنتى ن. ءا. نازاربايەۆتىڭ سىرتقى ساياسي باستاماسىن، ەۋرازيالىق كەڭىستىكتەگى ينتەگراتسيالىق ۇردىستەر اياسىندا پارلامەنتتىك ديپلوماتيانى زاڭنامالىق تۇرعىدا قامتاماسىز ەتۋ جانە جانداندىرۋ ماسەلەلەرىن تالقىلاۋ جوسپارلانۋدا»، - دەلىنگەن حابارلامادا.
قازاقستاندىق دەپۋتاتتارمەن قاتار وكىلدى فورۋم جۇمىسىنا رەسەي، بەلارۋس، قىرعىزستان، تاجىكستان پاررلامەنتاريى، حالىقارالىق ۇيىمدار وكىلدەرى، سونىمەن بىرگە ەكونوميكالىق ينتەگراتسيا سالاسىنداعى ماماندار مەن ساراپشىلار قاتىسادى.
كونفەرەنتسيادا قازاقستان پارلامەنتى ەكى پالاتاسىنىڭ سپيكەرلەرى - قاسىم-جومارت توقايەۆ جانە قابيبوللا جاقىپوۆ، سونداي-اق رەسەي فەدەراتسياسى فەدەرالدىق جينالىسى مەملەكەتتىك دۋماسىنىڭ ءتوراعاسى سەرگەي نارىشكين بايانداما جاسايدى دەپ كۇتىلۋدە.
كونفەرەنتسيادا مىنبەرگە سونداي-اق، قازاقستانداعى گ ف ر توتەنشە جانە وكىلەتتى ەلشىسى گيدو حەرتسۋ مەن ب ۇ ۇ قازاقستانداعى تۇراقتى ۇيلەستىرۋشىسى ستيۆەنۋ تۋلۋ دە شىقپاق.
ق ر پارلامەنتى سەناتىنىڭ دەپۋتاتى ءبىرعانىم ءايتىموۆا، ق ر پرەزيدەنتىنىڭ جانىنداعى قازاقستاندىق ستراتەگيالىق زەرتتەۋ ينستيتۋتىنىڭ ديرەكتورى ەرلان قاريننىڭ ءسوز سويلەۋى جوسپارلانعان.
ەسكە سالساق، 2011-جىلعى 10- جەلتوقساندا قازاقستان پارلامەنتى جىل سايىن 1- جەلتوقساندى ق ر تۇڭعىش پرەزيدەنت كۇنى - مەملەكەتتىك مەرەكەسى ەتىپ بەكىتۋ تۋرالى زاڭ قابىلدادى. وسى كۇنى 1991-جىلى ن. نازاربايەۆ العاشقى جالپى حالىقتىق سايلاۋدا ق ر پرەزيدەنتى بولىپ سايلانعان.
