ق ر قورعانىس ءمينيسترى الماتى گارنيزونىندا بولدى
جۇمىس ساپارى بارىسىندا ق ر قورعانىس ءمينيسترى سەرىك احمەتوۆ اەروۇتقىر اسكەرلەرى قولباسشىسىنىڭ باسقارماسى مەن راديوەلەكترونيكا جانە بايلانىس اسكەري ينجەنەرلىك ينستيتۋتىندا بولدى. سودان كەيىن الماتى قالاسىنىڭ جەتىسۋ اۋداندىق قورعانىس ىستەرى جونىندەگى باسقارماسىنا كەلگەن مينيستر، اسكەرگە شاقىرۋ ناۋقانىنىڭ بارىسىمەن تانىسىپ، اسكەر قاتارىنا شاقىرىلۋشىلارمەن كەزدەستى.
ولارمەن بولعان اڭگىمەدە قورعانىس ءمينيسترى ق ر قارۋلى كۇشتەرىنىڭ جوعارعى باس قولباسشىسى ن. ءا. نازاربايەۆتىڭ مەملەكەتتىڭ قورعانىس قابىلەتىن نىعايتۋ مەن قازاقستاننىڭ اسكەرىن دامىتۋداعى ءرولىن ايرىقشا اتاپ ءوتتى.
«مەملەكەت باسشىسىنىڭ ۇدايى قامقورلىعىنىڭ ارقاسىندا تاۋەلسىزدىك جىلدارىندا قازىرگى زامانعى، كاسىبي جانە جاۋىنگەرلىك قابىلەتى جوعارى ارميا جاساقتالدى» - دەدى ءوز سوزىندە س. احمەتوۆ.
سونىمەن قاتار، ق ر قورعانىس ءمينيسترى اسكەردە قىزمەت ەتۋ - ەر جىگىتتىڭ ازاماتتىق بورىشى ەكەندىگىن اتاپ ءوتتى.
«سىزدەردىڭ كوپشىلىكتەرىڭىزدىڭ مەرزىمدى قىزمەتتى وتەگەن سوڭ كەلىسىم-شارتتىق نەگىزدە اسكەردە قالاتىندارىڭىز ءمالىم. بۇل، ارينە، كوڭىل قۋانتارلىق جاعداي» - دەدى س. احمەتوۆ.
ءسوز سوڭىندا ق ر قورعانىس ءمينيسترى بولاشاق وتان قورعاۋشىلارعا جاۋىنگەرلىك بورىشتارىن لايىقتى اتقارۋلارىنا تىلەكتەستىگىن ءبىلدىردى.
