ن. نازاربايەۆ ل. كۋچمامەن ۋكرايناداعى احۋالعا قاتىستى پىكىر الماستى
استانا. قازاقپارات - ەلباسى نۇرسۇلتان نازاربايەۆ ۋكراينانىڭ ەكس-پرەزيدەنتى لەونيد كۋچمانى قابىلدادى. بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ۋكرايناداعى احۋالعا قاتىستى پىكىر الماسىلدى.
مەملەكەت باسشىسى ەكى ەلدىڭ اراسىنداعى ەجەلدەن قالىپتاسقان دوستىق قارىم-قاتىناس ءوزارا ءتيىمدى سەرىكتەستىك نەگىزدە دامىعانىن اتاپ ءوتتى. سونداي-اق نۇرسۇلتان نازاربايەۆ قازاقستاننىڭ ۋكرايناعا گۋمانيتارلىق كومەك كورسەتۋ مۇمكىندىگىن قاراستىرىپ جاتقانىن ايتتى.
ءوز كەزەگىندە ل. كۋچما قازاقستان مەن ۋكراينانىڭ ءتۇرلى سالالارداعى قارىم-قاتىناستارىن بۇدان ءارى دامىتۋدىڭ ماڭىزدىلىعىن اتاي وتىرىپ، ەكى ەلدىڭ اراسىنداعى ءوزارا ءىس-قيمىل جاڭا دەڭگەيگە شىعاتىنىنا سەنىم ءبىلدىردى.
