قازاقستاننىڭ ىشكى نارىعىندا سۇيىتىلعان گازدىڭ كوتەرمە ساۋداداعى شەكتى باعاسى بەلگىلەندى

استانا. قازاقپارات - قازاقستان رەسپۋبليكاسىنىڭ ىشكى نارىعىندا سۇيىتىلعان گازدىڭ كوتەرمە ساۋداداعى شەكتى باعاسى بەلگىلەندى.

ق ر ۇكىمەتىنىڭ قاۋلىسى

استانا، ۇكىمەت ءۇيى 26- قىركۇيەك 2014-جىل، 1030№

«گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012-جىلعى 9- قاڭتارداعى زاڭىنىڭ 5-بابىنىڭ 6) تارماقشاسىنا سايكەس، قازاقستان رەسپۋبليكاسىنىڭ ۇكىمەتى قاۋلى ەتەدى:

1. قازاقستان رەسپۋبليكاسىنىڭ ىشكى نارىعىندا سۇيىتىلعان مۇناي گازىن كوتەرمە ساۋدادا وتكىزۋدىڭ 2014-جىلعى 31- جەلتوقسانعا دەيىنگى كەزەڭگە ارنالعان شەكتى باعاسى قوسىلعان قۇن سالىعىن ەسەپكە الماعاندا، ءبىر تونناسىنا 31536,29 تەڭگە (وتىز ءبىر مىڭ بەس جۇز وتىز التى تەڭگە جيىرما توعىز تيىن) تەڭگە مولشەرىندە بەلگىلەنسىن.

2. وسى قاۋلى العاشقى رەسمي جاريالانعانىنان كەيىن قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ