13:22, 26 - قىركۇيەك 2014 | GMT +5
قازاقستان دەلەگاتسياسى اۋعانستاننىڭ جاڭا پرەزيدەنتىن ۇلىقتاۋ راسىمىنە قاتىسادى
استانا. قازاقپارات - قازاقستان دەلەگاتسياسى اۋعانستاننىڭ جاڭادان سايلانعان پرەزيدەنتىن ۇلىقتاۋ راسىمىنە قاتىسادى. بۇل تۋرالى بۇگىن ق ر سىرتقى ىستەر مينيسترلىگىنىڭ ايرىقشا تاپسىرمالار جونىندەگى وكىلى تيمۋر ورازايەۆ ءمالىم ەتتى.
ونىڭ سوزىنە قاراعاندا، اۋعانستان پرەزيدەنتىن ۇلىقتاۋ ءراسىمى 29- قىركۇيەككە جوسپارلانعان.
«ياعني، بىرنەشە كۇننەن كەيىن قازاقستاندىق تاراپ اتالعان شاراعا قاتىسۋدى جوسپارلاپ وتىر جانە ءوز دەلەگاتسياسىن جىبەرەتىن بولادى. ناقتى كىمنىڭ قاتىساتىندىعى شەشىلۋدە»، - دەدى ت. ورازايەۆ.
ايتا كەتەيىك، تاياۋدا عانا وتكەن اۋعانستان پرەزيدەنتىن سايلاۋدا ەلدىڭ بۇرىنعى قارجى ءمينيسترى اشراف عاني احمادزاي جەڭىسكە جەتكەن بولاتىن.
اۆتور: مارلان جيەمباي
