قازاقستان ءوز تاۋەلسىزدىگىن العان قىسقا مەرزىم ىشىندە الەمدىك قاۋىمداستىقتا ايرىقشا ورنى بار بەدەلدى مەملەكەتكە اينالدى - ق. توقايەۆ

بۇل تۋرالى بۇگىن ەلوردادا ءوتىپ جاتقان «قازاقستان-2050» ستراتەگياسىنىڭ ىسكە اسىرىلۋى جانە قازاقستان رەسپۋبليكاسىنىڭ حالىقارالىق قوعامداستىقتاعى ءرولى» تاقىرىبىنا ارنالعان دوڭگەلەك ۇستەل بارىسىندا ق ر پارلامەنتى سەناتىنىڭ ءتوراعاسى قاسىم- جومارت توقايەۆ ايتتى.

 «سىزدەر جاقسى بىلەسىزدەر، قازاقستان ەلباسىنىڭ باسشىلىعىمەن 2050 - جىلعا دەيىنگى ۇزاقمەرزىمدى دامۋ ستراتەگياسىن ىسكە اسىرۋ جولىنا بەت الدى. بۇل ەلىمىزدىڭ ىشكى دامۋى مەن جاھاندىق ۇدەرىستەردى تەرەڭ تالداۋعا نەگىزدەلگەن جان- جاقتى ويلاستىرىلىپ، سارالانعان قۇجات. قازاقستان ءوز تاۋەلسىزدىگىن العان قىسقا مەرزىم ىشىندە الەمدىك قاۋىمداستىقتا ايرىقشا ورنى بار بەدەلدى مەملەكەتكە اينالدى» ، - دەدى ق. توقايەۆ.

سەنات سپيكەرىنىڭ اتاپ وتۋىنشە، ەلىمىزدىڭ ەكونوميكالىق الەۋەتى مەن ونىڭ جاھاندىق جانە ايماقتىق قاۋىپسىزدىكتى كۇشەيتۋدەگى زور ۇلەسىن جەتەكشى حالىقارالىق ۇيىمدار مەن ينستيتۋتتارى تولىق مويىنداپ وتىر.

 سوندىقتان پرەزيدەنت نۇرسۇلتان نازاربايەۆ ەلىمىزدىڭ الدىنا «ماڭگىلىك ەل» تۇجىرىمداماسى نەگىزىندە ودان ارى تۇراقتى دامۋ مىندەتىن قويدى. بۇل حالقىمىزدىڭ جوعارى دەڭگەيدە ءومىر ءسۇرۋىن جانە كۇردەلى گەوساياسي جاعدايدا مەملەكەتىمىزدىڭ حالىقارالىق قاتىناستاعى بەرىك ۇستانىمىن قامتاماسىز ەتۋ ماقساتىندا قولايلى ىشكى جانە سىرتقى جاعداي جاساۋدى كوزدەيتىن ماڭىزدى تۇجىرىمداما» ، - دەدى ول.

 ايتا كەتەيىك، دوڭگەلەك ۇستەل وتىرىسى ق ر سەنات ءتوراعاسى ق. توقايەۆتىڭ ەلىمىزدە تىركەلگەن ديپلوماتيالىق كورپۋس وكىلدەرىمەن كەزدەسۋى رەتىندە وتۋدە.