جوعارى وقۋ ورنىنىڭ تۇلەكتەرى ۇلتتىق كومپانيالار مەن مەملەكەتتىك ورگانداردا تاجىريبەدەن وتەدى

 دەپ حابارلادى «نۇر وتان» پارتياسىنىڭ باسپا ءسوز قىزمەتى.

«ءساتتى قادام» جوباسىنا بارلىق ايماقتان قاتىسۋعا  1874 ءوتىنىم كەلىپ ءتۇستى. ىرىكتەۋ كەزەڭىنىڭ قورىتىندىسى بويىنشا 407 ادام قازاقستاننىڭ ۇلتتىق كومپانيالارى مەن مەملەكەتتىك ورگاندارىندا تاجىريبەدەن وتۋگە جولداما الدى.

«جاس وتان» جاستار قاناتىنىڭ «ءساتتى قادام» جوباسى جاستارعا قازاقستاننىڭ باس ۇيىمدارىنان تاجىريبە جيناۋىنا جانە العان ماماندىقتارى بويىنشا كاسىبي بىلىكتىلىگىن ارتتىرۋلارىنا مۇمكىندىك بەرەدى.

جوبانىڭ قاتىسۋشىلارى تاجىريبەدەن ۇلتتىق كومپانيالاردان، اتاپ وتسەك، «بايتەرەك» ۇ ب ح» ، «پاراسات» ۇ ع ت ح» ، «ەكسپو-2017» ۇ ك» ، «قازمۇنايگاز» ۇ ك» ا ق، «حالىقارالىق باعدارلامالار ورتالىعى» ، «استانا Innovations» ، «قازاقستان عارىش ساپارى» ۇ ك» ، «ۇلتتىق مەديتسينا حولدينگى» ، «ق ت ج» ا ق، سونىمەن قاتار مينيسترلىكتەر جانە ەلىمىزدىڭ الدىڭعى قاتارلى مەملەكەتتىك ورگاندارىنان وتە الادى.

تاجىريبەدەن وتۋگە جوعارى وقۋ ورنىن بىتىرگەن جاستار عانا قاتىسا الادى.

 مىسالى، قارجى مينيسترلىگىندە جوعارى وقۋ ورنىنىڭ 6 تۇلەگى تاجىريبەدەن ءوتتى. قازاقستان رەسپۋبليكاسىنىڭ قارجى مينيسترلىگى ستراتەگيالىق دامۋ دەپارتامەنتى باسقارماسىنىڭ باستىعى انار ەسىلبايەۆانىڭ ايتۋىنشا، اتالمىش جوبا قازاقستان رەسپۋبليكاسىنىڭ ەڭبەك جولىندا قويىلاتىن تالاپتارعا سايكەس بەيىمدەلۋىنە ۇلكەن مۇمكىندىك بەرەدى. كەز كەلگەن ءبىلىم بەرۋ جۇيەسىندە پراكتيكا مەن تەوريانىڭ ايىرماشىلىعى بولىپ جاتادى، ج و و ستۋدەنتتەرى العان ءبىلىم مەن زامان تالابىنا سايكەس سۇرانىستار ەكى بولەك دۇنيە بولىپ جاتادى. «ءساتتى قادام» جوباسىنىڭ اياسىندا تاجىريبەدەن ءوتۋ وسى ايتىلعان كەدەرگىلەردىڭ الدىن الۋعا، سونىمەن قاتار مەملەكەتتىك ورگانداردا جۇمىسقا ورنالاسۋىنا مۇمكىندىك بەرەدى.

 ءۇش ادام «بولاشاق» ا ق- دا پراكتيكادان وتكەن. «مەنىڭشە، ءدال وسى جوبا - جۇمىس ءوتىلى جوق جاستار ءۇشىن ەڭ ءتيىمدى. جۇمىسقا ورنالاسار كەزدە كەدەرگىلەر كوپ، جۇمىس تاجىريبەسى جوق، دەگەندەي ماسەلە تاعى بار. ءاربىر ادام ءوز ماماندىعى بويىنشا قالاعان جۇمىس ورنىندا قىزمەت ەتۋگە قۇقىلى دەپ سانايمىن. ءدال وسى جوبا جاستاردىڭ مۇمكىنشىلىكتەرىن تولىقتاي كورسەتىپ، جۇمىس بەرۋشىگە ءادىل شەشىم قابىلداۋىنا مۇمكىندىك بەرەدى» ، دەيدى «حالىقارالىق باعدارلامالار ورتالىعى» ا ق جوعارى وقۋ ورىندارى تۇلەكتەرىمەن بايلانىس ءبولىمىنىڭ باستىعى ماقسات داۋليەۆ.

2013 - جىلمەن سالىستىرعاندا تۇسكەن ءوتىنىم دە، ءبىتىرۋشى تۇلەكتەر سانى دا، ىرىكتەۋدەن وتكەندەر دە 25% وسكەن. الدىڭعى جىلى 1500 ادامنان 330 ى عانا تاجىريبە الۋعا جىبەرىلگەن بولاتىن. الدىڭعى جىلدىڭ قورىتىندىسى بويىنشا 45 ادام تاجىريبە وتكەن ورىندارىندا جۇمىسقا ورنالاسقان.

اۆتور: قانات مامەتقازى ۇلى