پرەزيدەنت پارلامەنتكە دەپۋتاتتىق كانيكۋل مەرزىمىن قىسقارتۋ تۋرالى ءوتىنىش جاسادى

ءسوز اراسىندا مەملەكەت باسشىسى پارلامەنتتە جۇمىس اۋقىمى ارتىپ كەلە جاتقانىن اتاپ ءوتتى. «ءومىردىڭ ءوزى ءبىزدى اسىقتىرۋدا. اينالامىزداعى، الەمدەگى ەكونوميكالىق جاعدايلار، ساياسي احۋالدار شەشىمدەردى تەز قابىلداۋعا ماجبۇرلەپ وتىر. پرەزيدەنت تە، ۇكىمەت تە، پارلامەنت تە، جەرگىلىكتى اتقارۋشى ورگاندار دا شيراق بولۋى كەرەك.

مۇنىڭ ءبارى تابىستى دامۋدى قامتاماسىز ەتەدى. تۇتقيىلدان كەلەتىن ەكونوميكالىق تاۋەكەلدەرگە دايار بولۋىمىز كەرەك. ХХІ  عاسىرداعى قاتەرلەر مەملەكەتتىك بيلىكتىڭ بارلىق ينستيتۋتىنان بەلسەندىلىكتى كۇندەلىكتى تالاپ ەتەدى. وزىمنەن باستاپ، اتقارۋشى بيلىكتىڭ بارلىق تارماعى كۇنى-ءتۇنى جۇمىس ىستەپ كەلەمىز. سوندىقتان دا، پارلامەنتتىك كورپۋسقا جىل بارىسىنداعى جازعى دەپۋتاتتىق كانيكۋل مەرزىمىن قىسقارتۋ تۋرالى ءوتىنىش جاسايمىن»، - دەدى نۇرسۇلتان نازاربايەۆ.

بۇل رەتتە ەلباسى پارلامەنتتەگى «نۇر وتان» فراكسياسىنا وسى ماسەلەنىڭ دۇرىس شەشىمىن جاساۋدى تاپسىرىپ، دەپۋتاتتىق كورپۋستىڭ تۇسىنىستىكپەن قارايتىنىنا سەنىم ءبىلدىردى.

اۆتور: قانات مامەتقازى ۇلى