ق ر پرەزيدەنتىنىڭ «التىن ساپا» سىيلىعىن الۋعا ءوتىنىم قابىلداۋ جالعاسۋدا

استانا. قازاقپارات - ق ر پرەزيدەنتىنىڭ «التىن ساپا» سىيلىعىن الۋعا ءوتىنىم قابىلداۋ جالعاسۋدا.
None
None

«التىن ساپا» سىيلىعىن الۋعا قازاقستان رەسپۋبليكاسىنىڭ اۋماعىندا تاۋارلار وندىرۋمەن (قارۋ- جاراق پەن اسكەري تەحنيكا ءوندىرۋدى قوسپاعاندا) ، قىزمەتتەر كورسەتۋمەن اينالىساتىن، بايقاۋ ۇيىمداستىرۋشىلارى راستاعان ءونىم ساپاسىنىڭ جوعارى دەڭگەيىنىڭ تۇراقتىلىعىن ءارى ونىڭ ءاردايىم جاقسارۋىن قامتاسىز ەتۋدە وڭ ناتيجەلەرگە قول جەتكىزگەن زاڭدى تۇلعالار ۇمىتكەر بولا الادى.

كاسىپورىندار كونكۋرسقا مىناداي نوميناسيالار بويىنشا قاتىسادى:

"وندىرىستىك ماقساتتاعى ۇزدىك كاسىپورىن"؛

"حالىق تۇتىناتىن تاۋارلاردى شىعاراتىن ۇزدىك كاسىپورىن"؛

"قىزمەتتەر كورسەتەتىن ۇزدىك كاسىپورىن"

ءار نوميناتسيا بويىنشا مىناداي:

شاعىن كاسىپكەرلىك سۋبەكتىسى؛

ورتا كاسىپكەرلىك سۋبەكتىسى؛

ءىرى كاسىپكەرلىك سۋبەكتىسى ساناتتارى بويىنشا ءۇش سىيلىق بەرىلەدى.

«التىن ساپا» - بۇل حالىققا قالتقىسىز قىزمەت كورسەتۋ سالاسىنداعى جاقسى ناتيجەلەرگە قول جەتكىزگەنى جانە مەكەمەلەرگە زاماناۋي مەنەدجمەنت جۇيەسىن ەنگىزگەنى ءۇشىن بەرىلەتىن سىيلىق. قازاقستان رەسپۋبليكاسى پرەزيدەنتىنىڭ 2006 - جىلعى 9 - قازانداعى №194 جارلىعىنا سايكەس «التىن ساپا» سىيلىعى كونكۋرستىق نەگىزدە تالاپكەر كاسىپورىننىڭ ءونىمى نەمەسە قىزمەت كورسەتۋ ساپاسى مەن ولاردىڭ قاۋىپسىزدىگىن قامتاماسىز ەتۋ سالاسىنداعى جەتىستىكتەرى، سونداي- اق وزىق ۇلگىدەگى مەنەدجمەنت جۇيەلەرىن ەنگىزگەنى ءۇشىن جىل سايىن بەرىلەدى.

ايتا كەتەرلىگى، وسى جىلدىڭ 23 - مامىرىندا «قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن الۋعا ارنالعان كونكۋرس جانە «قازاقستاننىڭ ۇزدىك تاۋارى» رەسپۋبليكالىق كورمە- كونكۋرسى تۋرالى» قازاقستان رەسپۋبليكاسى پرەزيدەنتىنىڭ 2006 - جىلعى 9- قازانداعى № 194 جارلىعىنا وزگەرىستەر مەن تولىقتىرۋلار ەنگىزىلگەن ەدى. وعان سايكەس اعىمداعى جىلدان باستاپ «التىن ساپا» جانە «قازاقستاننىڭ ۇزدىك تاۋارى» ساپا كونكۋرستارىندا جەڭىسكە جەتكەن قاتىسۋشىلار سىيلىق ەمبلەماسىن جارناما ماقساتىندا 4 - جىل بويى پايدالانۋ قۇقىعىن الادى.

سونىمەن قاتار، «التىن ساپانىڭ» جەڭىمپازدارى قازاقستان اتىنان حالىقارالىق، سونىڭ ىشىندە ت م د اۋماعىنداعى سايىستارعا قاتىسۋ مۇمكىنشىلىگىنە يە. ال دوستاستىق ەلدەرى اراسىندا جەڭىسكە جەتكەن قاتىسۋشىلار ەۋرازيالىق ساپا سىيلىعى كونكۋرسىنا ت م د اتىنان قاتىسادى. كونكۋرسقا قاتىسۋ ءۇشىن ءوتىنىمدى 2014 - جىلدىڭ 1 - تامىزىنا دەيىن تاپسىرۋ قاجەت. تولىق اقپاراتتى 79-33-37, 79-33-38 تەلەفوندارى ارقىلى الۋعا بولادى.

اۆتور: مارلان جيەمباي

سوڭعى جاڭالىقتار