مەملەكەت باسشىسى اتىراۋداعى بۇرعىلاۋ قاشاۋلارىن شىعاراتىن ءوندىرىس وشاعىن ىسكە قوستى

استانا. قازاقپارات - بۇگىن ەلدىڭ ۇدەمەلى يندۋستريالىق- يننوۆاتسيالىق دامۋ مەملەكەتتىك باعدارلاماسىن ىسكە اسىرۋ بويىنشا ۇكىمەتتىڭ ەسەبىمەن تانىسۋ بارىسىندا ق ر پرەزيدەنتى نۇرسۇلتان نازاربايەۆ اتىراۋداعى بۇرعىلاۋ قاشاۋلارىن شىعاراتىن ءوندىرىستى ىسكە قوستى.
None
None

 «جىگەر مۇناي سەرۆيس» ج ش س وكىلىنىڭ اتاپ وتۋىنشە، بۇل زاۋىتتان شىعارىلعان بۇرعىلاۋ قاشاۋلارى كەن ورنىن 7 مىڭ مەتر تەرەڭدىككە دەيىن بۇرعىلاۋعا مۇمكىندىك بەرەدى. الداعى ۋاقىتتا زاۋىت بۇل ءونىم تۇرىمەن ەلىمىزدى 30 پايىزعا قامتاماسىز ەتەتىن بولادى. ءوندىرىس وشاعىنىڭ ماماندارى  ۇلى بريتانيا مەن وڭتۇستىك كورەيادا بىلىمدەرىن جەتىلدىرىپ قايتقان.

 «ءبىز قازىر 4-5 مىڭ مەترلىك تەرەڭدىكتى قازىپ ءجۇرمىز. جالپى، ساراپشىلاردىڭ ايتۋىنشا، مۇنان دا تومەن تەرەڭدىكتە قازاقستاننىڭ بايلىعى بىرنەشە ەسە كوپ. سوندىقتان دا بۇل جاڭا تەحنولوگيا، قازاقستاندا بۇرىن بولماعان تەحنولوگيا. بۇرعىلايتىن قوندىرعىلاردى جاساۋ سەندەر ءۇشىن زور باقىت. سەندەر تۇڭعىش ونى يگەرگەن ادامدار رەتىندە تاريحتا قالاسىزدار» ، - دەگەن مەملەكەت باسشىسى ءوندىرىس وشاعىن قوسۋعا رۇقسات بەردى.

اۆتور: مارلان جيەمباي

سوڭعى جاڭالىقتار