ەلباسى: ماڭگىلىك ەلىمىز باردا - قازاقتىڭ تاريحى دا ماڭگىلىك

استانا. قازاقپارات - ماڭگىلىك ەلىمىز باردا قازاقتىڭ تاريحى دا ماڭگىلىك.
None
None

بۇگىن ەلوردا كۇنى قارساڭىندا قازاقستان رەسپۋبليكاسى ۇلتتىق مۋزەيىنىڭ رەسمي اشىلۋ ءراسىمى بارىسىندا ەلباسى نۇرسۇلتان نازاربايەۆ وسىلاي ءمالىم ەتتى.

«ءبىزدىڭ بابالارىمىز قيىر شىعىس پەن باتىس ەۋروپانىڭ، ءسىبىر مەن ءۇندىستاننىڭ اراسىندا 4-5 مىڭ جىل بويى ايرىقشا ءرول اتقارعانىن ءبىز تاريحتان بىلەمىز. ساقتار مەن عۇندار داۋىرىنەن باستاۋ الىپ، تۇركى قاعاناتىمەن جالعاسقان قازاق حاندىعىنىڭ جانە بۇكىل تاۋەلسىز قازاقستاننىڭ وتكەنى حالقىمىزدىڭ تۇتاستىعى مەن بىرلىگىنىڭ جىلناماسى بولىپ سانالادى. ماڭگىلىك ەلىمىز باردا قازاقتىڭ تاريحى دا ماڭگىلىك»، - دەدى ن. نازاربايەۆ.

مەملەكەت باسشىسى بۇل مۋزەي حالىقتىڭ ۇلتتىق رۋحىن كوتەرۋ تۇرعىسىندا جانە ەلىمىزدى الەمگە تانىتۋ باعىتىندا بەلگىلى بولاتىنىن اتاپ ءوتتى. «ءبىزدىڭ تاريحىمىز ماقتان ەتۋگە لايىقتى. ەرلىك پەن ەلدىكتىڭ تاريحى. مىڭجىلدىقتار قويناۋىنان باستاۋ الاتىن قازاق شەجىرەسى ادامزات تاريحىنىڭ اجىراماس بولىگى»، - دەدى پرەزيدەنت.

اۆتور: رۋسلان عابباسوۆ

سوڭعى جاڭالىقتار