ەلدىڭ وڭتۇستىكتەگى شەپتەرىندە جاڭا ۇلگىدەگى شەكارا زاستاۆالارى اشىلادى

استانا. قازاقپارات - ق ر  ۇلتتىق قاۋپسىزدىك كوميتەتىنىڭ ءتوراعاسىنىڭ ورىنباسارى - شەكارا قىزمەتىنىڭ ديرەكتورى، گەنەرال- لەيتەنانت نۇرلان جولامانوۆ باستاعان ورتالىق اپپاراتتىڭ وفيتسەرلەر توبى «وڭتۇستىك» وڭىرلىك باسقارماسىنىڭ شەكارالىق بولىمشەلەرىندە بولدى،

دەپ حابارلادى ق ر  ۇ ق ك  ش ق باسپا ءسوز قىزمەتى.

شەكارا قىزمەتىنىڭ ديرەكتورى، گەنەرال- لەيتەنانت نۇران جولامانوۆ مەملەكەتتىك شەكارانىڭ بويىمەن ۇشىپ ءوتىپ، سارى اعاش جانە جەتىساي شەكارا جاساقتارى زاۆستاۆالارىنىڭ، قورداي شەكارا جاساعىنىڭ اسكەري قالاشىعىنداعى جاڭا ۇلگىدەگى شەكارالىق زاۆستاۆالار قۇرىلىسىنىڭ بارىسىن تەكسەردى، تاراز شەكارا جاساعىندا بولدى، ق ر ۇ ق ك شەكارا قىزمەتى اكادەمياسىنداعى جوندەۋ- قالپىنا كەلتىرۋ جۇمىستارىنىڭ بارىسىن قارادى، «الماتى» شەكارالىق باقىلاۋ جاساعىن ارالاپ كوردى.

سارى اعاش شەكارا جاساعىندا بىرنەشە «باتىس»، «سارى اعاش»، «دوستىق»، «ىنتىماق»، «دارحان»   جانە «جۋانتوبە» سياقتى زاستاۆالار سالىنۋدا. شەكارالىق ۆەدومستۆو باسشىسى مەردىگەرلىك ۇيىمداردىڭ باسشىلىعىمەن، قۇرىلىسشىلارمەن كەزدەستى، قۇرىلىستىڭ ءار نىسانىن تەكسەردى. ولاردىڭ بارلىعى دا بيىلعى جىلى پايدالانۋعا بەرىلەدى، العاشقى جاڭا ۇلگىدەگى شەكارا زاستاۆالارىنىڭ اشىلۋى كاسىبي مەرەكە - ق ر  ۇ ق ك شەكارا قىزمەتىنىڭ قۇرىلعان كۇنىنە ورايلاستىرىلىپ وتىر.

«جەتىساي» شەكارا جاساعىندا ەلدىڭ باس شەكاراشىسى شەكارا جولدارىنا قيىرشاق- توپىراقتى جابىن توسەۋ جۇمىستارىن كوردى. ق ر ۇ ق ك ءتوراعاسىنىڭ ورىنباسارى «قوعالى» زاستاۆاسىندا بولىپ، قۇرىلىس جۇمىستارىن قازان ايىندا اياقتاۋعا تاپسىرما بەردى. «مىرزاكەنت» شەكارا زاستاۆاسىندا شەكارالىق ۆەدومستۆو باسشىسى وفيتسەرلەر وتباسىلارىمەن جانە كەلىسىم- شارتپەن جۇمىس ىستەپ جاتقان اسكەري قىزمەتشىلەرمەن كەزدەستى.  

ينسپەكسيالىق توپ «وڭتۇستىك» وڭىرلىك باسقارماسىنىڭ «قورداي» اسكەري قالاشىعىنىڭ قۇرىلىس الاڭىندا بولدى. جاساق قۇرىلىسى ءبىر اي بۇرىن باستالعان بولاتىن، قازىر جەر ازىرلەۋ جۇمىستارى 50 پايىزعا ورىندالعان. 2016 - جىلدىڭ سوڭىنا قاراي مۇندا شەكاراشىلار ءۇشىن بارلىق قاجەتتى ينفراقۇرىلىمى - بالالار باقشاسى، وفيتسەرلەر قۇرامىنىڭ ۇيلەرى، كەلىسىم- شارت بويىنشا جۇمىس ىستەيتىندەرگە ارنالعان جاتاقحانا جانە باسقا دا نىساندارى بار قالاشىق بوي كوتەرەدى.

- جاڭا شەكارالىق زاستاۆالار سالۋ - ءبىرىنشى كەزەكتەگى مىندەت جانە مەردىگەرلەر جۇمىس قارقىنىن جانە جۇمىستاردى مەرزىمىندە اياقتاۋ ءۇشىن ءىس-قيمىلداردى شيراتۋلارى ءتيىس. بارلىق شەكارلىق جاساقتاردا شەكاراشى-جاۋىنگەرلەر ءۇشىن قىزمەت اتقارۋعا قاجەتتى بارلىق جاعدايدى جاسايمىز»، - دەپ اتاپ كورسەتتى گەنەرال- لەيتەنانت نۇرلان جولامانوۆ.   
الماتىدا باسشىلىق «الماتى» شەكارالىق باقىلاۋ جاساعىندا جانە اسكەري نىساندار كۇردەلى جوندەۋدەن ءوتىپ جاتقان ق ر  ۇ ق ك شەكارا قىزمەتى اكادەمياسىنىڭ دالالىق وقۋ ورتالىعىندا بولدى.