مەملەكەت باسشىسى ءۇشىنشى جاڭاجول گوز قۇرىلىسى بارىسىمەن تانىستى
كاسىپورىنننىڭ بيزنەس-ورتالىعىندا ون-لاين رەجىمىندە جاڭاجول كەنىشىىنەن باس ديرەكتوردىڭ ورىنباسارى تاحتاليفۋم ەسەنعۇلوۆ ءۇشىنشى جاڭاجول گاز وڭدەۋ زاۋىتىنىڭ 2 كەزەڭى قۇرىلىس جۇمىستارىنىڭ اياقتالعانىن باياندادى.
ونىمدىلىگى جىلىنا 6 ميلليارد تەكشە مەتردى قۇرايتىن زاۋىتتىڭ العاشقى كەزەگى 2007 -جىلى قاتارعا قوسىلعان بولاتىن، ەندى بۇگىن قۇرىلىستىڭ ەكىنشى كەزەگى اياقتالىپ وتىر، ال زاۋىتتىڭ ءۇشىنشى كەزەگىن ىسكە قوسۋ 2014 - جىلدىڭ سوڭىنا بەلگىلەنگەن.
زاۋىتتى پايدالانۋعا بەرۋ جانە تولىق قۋاتىنا شىعۋى بەينەۋ-بوزوي-شىمكەنت گاز قۇبىرىمەن ەلدىڭ وڭتۇستىك وڭىرلەرىن حالىقارالىق ستاندارتتارعا جاۋاپ بەرەتىن تازارتىلعان دايىن گازبەن قامتاماسىز ەتۋگە مۇمكىندىك بەرەدى، ونىمدەردىڭ ەكسپورتتىق باعىتىن كەڭەيتەدى جانە كومپانيانىڭ حالىقارالىق نارىققا شىعۋىن قامتاماسىز ەتەدى، ونى جۇزەگە اسىرۋدان تۇسەتىن كىرىستى، سوعان سايكەس مەملەكەتتىك بيۋدجەتكە تولەنەتىن سالىق تولەمدەرىن ۇلعايتادى.
وسى كاسىپورىننىڭ ەلەكتر ەنەرگياسى جونىنەن ىشكى ءوز مۇقتاجدارىن قامتاماسىز ەتۋ ءۇشىن گازتۋربينالى ەلەكتر ستانساسىنىڭ قۋاتتارىن 160 م ۆ ت-عا دەيىن كەڭەيتۋ جونىندە جۇمىستار جۇرگىزىلۋدە، ونى پايدالانۋعا بەرۋ 2014 - جىلدىڭ ەكىنشى جارتىجىلدىعىنا جوسپارلانۋدا.
وندىرىلەتىن گازدى ەلەكتر ءوندىرىسى ءۇشىن وتىن رەتىندە قولدانۋ ەلەكتر ەنەرگياسىن ساتىپ الۋ شىعىندارىن ازايتۋ ەسەبىنەن ءۇشىنشى گاز وڭدەۋ زاۋىتىنىڭ تيىمدىلىگىن جانە وندىرىستىك مۇقتاجدار ءۇشىن بۋ شىعارۋدى ارتتىرادى.
دەربەس ەلەكترمەن جابدىقتاۋ «س ن پ س «اقتوبە مۇناي گاز» ا ق مۇناي ءوندىرۋ نىساندارىن ەلەكترمەن جابدىقتاۋدىڭ سەنىمدىلىگى مەن ۇزىلىسسىزدىگىن ارتتىرۋعا مۇمكىندىك بەرەدى.
