ۋكرايناداعى داعدارىس پەن ءوندىرىس قارقىنىنىڭ تومەندەۋى قازاقستان ەكونوميكاسىنا تەرىس ىقپال ەتۋدە

استانا. قازاقپارات - ۋكرايناداعى داعدارىس پەن ءوندىرىس قارقىنىنىڭ تومەندەۋى قازاقستان ەكونوميكاسىنا تەرىس ىقپال ەتۋدە.
None
None

بۇل تۋرالى كەشە ورتالىق كوممۋنيكاتسيالار قىزمەتىندە ۇكىمەت وتىرىسىنىڭ قورتىندىسىنا ارنالعان بريفينگتە ق ر ەكونوميكا جانە بيۋدجەتتىك جوسپارلاۋ ءمينيسترى ەربولات دوسايەۆ ءمالىم ەتتى.

«اعىمداعى جىلعى العاشقى بەس ايدا دامۋدىڭ ىشكى جانە سىرتقى ۇردىستەرى ەسكەرىلە وتىرىپ، قازاقستاننىڭ نەگىزگى تاۋەكەلدەرى: ەلدەگى ونەركاسىپ ءوندىرىسى ءوسۋىنىڭ سەرپىنىنىڭ تومەندىلىگى، ينۆەستيتسيالىق بەلسەندىلىك قارقىنىنىڭ تومەندىگى مەن جالعاسىپ جاتقان كاپيتالدىڭ رەپاترياتسياسى بايقالدى، بۇل ەكونوميكانى ءارتاراپتاندىرۋ ساياساتىنا تەرىس اسەر ەتەتىن بولادى.

ينفلياتسيانىڭ ءوسۋ قارقىنى اعىمداعى جىلدىڭ باسىنان باستاپ 2,5 پايىزدىق تارماققا ءوسىپ جانە 33,7 پايىزدى قۇراپ وتىرعان «جۇمىس جاسامايتىن» قارىزدار دەڭگەيىنىڭ جوعارىلىعى ەكونوميكانىڭ ناقتى سەكتورىن كرەديتتەۋدى تەجەيدى. ۋكرايناداعى داعدارىس پەن رەسەي ەكونوميكاسىنىڭ ەلەۋلى باسەڭدەۋى كەدەن وداعىنىڭ بۇكىل اۋماعىندا ەكونوميكالىق بەلسەندىلىكتىڭ باسەڭدەۋى ىقتيمالدىلىعىن الدىن الا ايقىنداپ وتىر»، - دەدى مينيستر.

ونىڭ ايتۋىنشا، الەمدىك ەكونوميكاداعى قالىپتاسقان ۇردىستەر ەلدەگى ەكونوميكالىق بەلسەندىلىكتىڭ باسەڭدەۋىنە اكەلدى. ماسەلەن، ەلدىڭ ەكونوميكاسى اعىمداعى جىلعى قاڭتار- مامىردا 2013 - جىلدىڭ ءتيىستى كەزەڭىمەن سالىستىرعاندا 4,1  پايىزعا ءوستى.

 «اعىمداعى جىلعى اقپاندا تەڭگە باعامىن تۇزەتۋدىڭ ناتيجەسىندە ەلدە ينفلياتسيالىق پروتسەستەردىڭ كۇشەيگەنى بايقالىپ وتىر. جىلدىڭ باسىنان باستاپ ينفلياتسيا 4,5 پايىزدى قۇرادى، بۇل 2013 - جىلدىڭ ءتيىستى كەزەڭىنە قاراعاندا 2,1 پايىزدىق تارماققا جوعارى»، - دەدى ول.

مەتالدار باعاسى تومەندەۋىنىڭ نەگىزگى سەبەپتەرىنىڭ ءبىرى قىتايدىڭ ەكونوميكالىق قارقىندارىنىڭ باسەڭدەۋى جانە وندىرىستىك بەلسەندىلىگى ءوسۋىنىڭ السىرەۋى بولىپ تابىلادى.

ونەركاسىپتىڭ ناقتى كولەم يندەكسى 100,1 پايىزدى قۇرادى، بۇل 102,7 پايىزدى نىسانالى كورسەتكىشتەن 2,6 پايىزدىق تارماققا تومەن. وڭدەۋ ونەركاسىبىنىڭ ناقتى كولەم يندەكسى 100,1 پايىزدى قۇرادى، جوسپارلانعان 104,0 پايىز دەڭگەيدەن 3,9 پايىزدىق تارماققا تومەن. 

كەن ءوندىرۋ ونەركاسىبىندە كومىر جانە ليگنيت، سونداي- اق مۇناي ءوندىرۋ بويىنشا تيىسىنشە 7,7 پايىزدىق تارماققا جانە 2,1 پايىزدىق تارماققا جوسپارلى كورسەتكىشتەرگە ايتارلىقتاي قول جەتكىزبەۋ بايقالادى.

كومىر جانە ليگنيت بويىنشا قول جەتكىزبەۋ قازاقستاننىڭ جانە رەسەي فەدەراتسياسىنىڭ ەنەرگيا وندىرەتىن كاسىپورىندارىنىڭ كومىردى تۇتىنۋىنىڭ تومەندەۋىمەن نەگىزدەلەدى.

سونداي- اق ءمينيستردىڭ ايتۋىنشا، مۇناي ءوندىرۋ بويىنشا جوسپاردىڭ ورىندالماۋى گەولوگيالىق سەبەپتەرمەن جانە گازدى كادەگە جاراتۋ بويىنشا باعدارلامالارمەن قاتىستى شەكتەۋلەرگە بايلانىستى.

 اۆتور: جاسۇلان جولدىبايەۆ

سوڭعى جاڭالىقتار