جاھاندىق ەكونوميكالىق داعدارىستى باستان وتكەرىپ وتىرعان الەم قايتا قۇلدىراۋى مۇمكىن - ق ر پرەزيدەنتى

   استانا. قازاقپارات - جاھاندىق ديالوگتاردىڭ توقتاتىلۋى - بۇل قاۋىپتى ۇدەرىس. بۇگىن استانادا ءوتىپ جاتقان VII استانا ەكونوميكالىق فورۋمى مەن داعدارىسقا قارسى II دۇنيەجۇزىلىك كونفەرەنتسيانىڭ جالپى وتىرىسىندا ءسوز سويلەگەن ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.

 « ХХІعاسىردا بارلىق مەملەكەتتەر، بارشا ساياساتكەرلەر "G-global" الەمىندە، ونىڭ ەۆوليۋتسيالىق، سەنىمدىلىك، اشىقتىق، تولەرانتتىلىق پەن ديالوگتىق قاعيداتتارىمەن ءومىر سۇرۋگە ۇيرەنۋلەرى كەرەك. جاھاندانۋ ءسوزسىز بۇكىل الەمدى ءاربىر ادام ءۇشىن بارىنشا جاقىن ءارى بارىنشا قولجەتىمدى ەتىپ وتىر. الايدا، قازىرگى ۋاقىتتا ەڭ كۇردەلى جاھاندىق ەكونوميكالىق داعدارىستى باستان وتكەرىپ وتىرعان الەم قايتا قۇلدىراۋ مەن رەتسەسسيا جاعدايىنا ءتۇسۋى ابدەن مۇمكىن» ، - دەدى ن. نازاربايەۆ.

مەملەكەت باسشىسىنىڭ ايتۋىنشا، «حالىقارالىق قاتىناستار تەڭدىگىنىڭ شايقالۋى، جاھاندىق ديالوگتىڭ دوعارىلۋى - بۇل قاۋىپتى ۇدەرىس» .

  اۆتور: قانات مامەتقازى ۇلى