پاركينگتى «بومبادان قورعايتىن ورىن» رەتىندە پايدالانۋ نورمامەن بەكىتىلدى

استانا. KAZINFORM - ەلىمىزدە سوعىس جاعدايىندا جەرتولە، قوسالقى ءۇي-جاي جانە جەراستى پاركينگتەرىن «بومبادان قورعايتىن ورىن» رەتىندە پايدالانۋ نورماسى بەكىتىلدى. بۇل تۋرالى Kazinform-نىڭ رەسمي ساۋالىنا ت ج م جولداعان جاۋاپتا ايتىلعان.

Көлік тұрағы
Фото: Александр Павский / Kazinform

- ت ج م باستاماسى بويىنشا ونەركاسىپ جانە قۇرىلىس مينيسترلىگىمەن بىرلەسىپ قۇرىلىس نورمالارىنا عيماراتتاردىڭ ەلەمەنتتەرىن (جەرتولەلەر، قوسالقى ءۇي-جايلار جانە جەراستى پاركينگتەرى تۇرىندەگى جەراستى كەڭىستىگى) قاراپايىم پانا رەتىندە پايدالانۋ مۇمكىندىگىنىڭ تالاپتارىن ەنگىزۋ ماسەلەسى پىسىقتالدى. ونەركاسىپ جانە قۇرىلىس مينيسترلىگىنىڭ (2024ج.22.10. 134-ن ق) بۇيرىعىمەن 2.04-15-2024 «قاراپايىم پانا» ق ر قۇرىلىس نورمالارى بەكىتىلدى. نورماتيۆ حالىقتى سوعىس جاعدايى كەزەڭىندە نەمەسە سوعىس ۋاقىتىندا ادەتتەگى زاقىمداۋ قۇرالدارىنىڭ باعىتتالماعان زاقىمداۋشى فاكتورلارىنان قورعاۋعا ارنالعان قاراپايىم جاسىرىن پانا قىزمەتىن اتقاراتىن ءۇي-جايلارعا قويىلاتىن مىندەتتى تالاپتاردى قالىپتاستىرادى. وسى نورمالاردىڭ تالاپتارى ادامدار كوپ جينالاتىن وبەكتىلەردىڭ 16 ءتۇرىن قامتيدى، - دەلىنگەن حابارلامادا.

ۆەدومستۆو مالىمەتىن ساي، حالىق ءۇشىن قاراپايىم پانالاردى پايدالانۋ «ازاماتتىق قورعانىس وبەكتىلەرىن قۇرۋ جانە پايدالانۋ قاعيدالارىن بەكىتۋ تۋرالى» ۇكىمەت قاۋلىسىمەن ايقىندالعان (2014ج. 19.12. 1357).

ايتا كەتەيىك، بۇعان دەيىن ەلىمىزدەگى بومبادان قورعاۋ ورىندارىنىڭ 70 پايىزى جەكەنىڭ قولىندا ەكەنىن جازعان ەدىك.

سونداي-اق سوعىس جاعدايىندا ازاماتتاردى قورعايتىن موبيلدى مودۋلدەردىڭ ۇلتتىق ستاندارتى ازىرلەنگەنىن حابارلاعانبىز.

سوڭعى جاڭالىقتار