اراب ەلدەرى يزرايلدى ب ۇ ۇ قۇرامىنان شىعارۋدى تالاپ ەتتى
استانا. قازاقپارات- اراب مەملەكەتتەرى ليگاسى يزرايلدىڭ بىرىككەن ۇلتتار ۇيىمىنداعى مۇشەلىگىن الىپ تاستاۋدى تالاپ ەتتى.
ۇيىم اتىنان قاتقىل مالىمدەمەنى ساۋد ارابياسىنىڭ استاناسى ەر-ريادتا وتكەن سامميتتىڭ قورىتىندى باسپا ءسوز ءماسليحاتىندا اراب مەملەكەتتەرى ليگاسىنىڭ باس حاتشىسى احمەد ابۋل گەيت جاسادى.
ەستەرىڭىزگە سالا كەتەيىك، يزرايلدىڭ اسكەري وپەراتسياسىنان گازا سەكتورىندا 43 مىڭنان استام پالەستينالىق قازا تاپقان.
احمەد ابۋل گەيت، اراب مەملەكەتتەرى ليگاسىنىڭ باس حاتشىسى:
- پالەستينالىقتاردى قورعاۋدىڭ ەڭ توتە جولى - بىرىككەن ۇلتتار ۇيىمى قاۋىپسىزدىك كەڭەسىنىڭ شەشىمى. وسى سامميتتىڭ قورىتىندى قۇجاتىندا 36 تارماق قابىلداندى. سونىڭ بىرەۋى رەتىندە اراب جانە مۇسىلمان ەلدەرى يزرايلدىڭ بىرىككەن ۇلتتار ۇيىمىنداعى مۇشەلەگىن توقتاتۋعا قاتىستى بىرلەسكەن ءىس-ارەكەتتەرى جاسايدى. بىرىككەن ۇلتتار ۇيىمىنىڭ باس اسسامبلەياسى بۇل شەشىمدى قولداپ داۋىس بەرۋگە ءتيىس.
