اقتوبە قالاسىندا 18 كوشە مەن ءبىر تۇرعىن الاپ اتاۋى وزگەرەدى

اقتوبە. KAZINFORM - اقتوبەدە كوشەلەردىڭ ەسكى اتاۋى قازاقشالانادى. اشىق ن ق ا پورتالىنا اقتوبە وبلىسى اكىمدىگىنىڭ بىرلەسكەن قاۋلىسى جانە وبلىستىق ءماسليحاتتىڭ شەشىمى شىقتى.

اقتوبە قالاسىنىڭ كەيبىر قۇرامداس بولىكتەرىن قايتا اتاۋ تۋرالى شەشىمدە الماتى جانە استانا اۋداندارىنا قاراستى تۇرعىن الاپ پەن كوشەلەر كورسەتىلگەن. رەسپۋبليكالىق ونوماستيكا كوميسسياسىنىڭ قورىتىندىسى الىندى. ءسويتىپ يدەولوگيالىق تۇرعىدا ەسكىرگەن 19 اتاۋدىڭ ءتىزىمى جاسالدى. ونىڭ 18- ءى كوشە، بىرەۋى تۇرعىن الاپ اتاۋى. قاۋلى مەن شەشىم اشىق ن ق ا پورتالىندا 4 -ساۋىرگە دەيىن تالقىلانادى.

الماتى اۋدانى بويىنشا:

«بەلوگوركا» تۇرعىن ءۇي الابىن - «قۇندىزدى» تۇرعىن ءۇي الابى؛

كيرپيچنىي كوشەسىن - روزا باعلانوۆا كوشەسى؛

ۆاگوننىي كوشەسىن - بايعازى كوشەسى؛

كومسومولسكي كوشەسىن - اقتەرەك كوشەسى؛

كۆارتال ەنەرگەتيكوۆ كوشەسىن - قازىعۇرت كوشەسى؛

سۆەتوچنىي كوشەسىن - ىرىستى كوشەسى؛

وكتيابرسكي كوشەسىن - سافۋان شايمەردەنوۆ كوشەسى؛

ناحيموۆ كوشەسىن - توقتامىس حان كوشەسى؛

قاندى اعاش كوشەسىن - زەرەندى كوشەسى؛

موجايسكي كوشەسىن - سارىبۇلاق كوشەسى؛

«استانا» اۋدانى بويىنشا:

نوۆاتوروۆ كوشەسىن - مانارتاۋ كوشەسى؛

ستانسيوننىي كوشەسىن - سىرباي ماۋلەنوۆ كوشەسى؛

حولموگورسكي كوشەسىن - توقمانساي كوشەسى؛

مير داڭعىلىن - بەيبىتشىلىك داڭعىلى؛

نوۆىي كوشەسىن - وراز جاندوسوۆ كوشەسى؛

سادوۆىي كوشەسىن - اينابۇلاق كوشەسى؛

حمەلنيتسكي كوشەسىن - سەرتاي كەنجالين كوشەسى؛

لاچۋگين كوشەسىن - سارىكول كوشەسى؛

مەستپروم تۇيىق كوشەسىن - ءابۋ سارسەنبايەۆ تۇيىق كوشەسى دەپ وزگەرتۋ ۇسىنىلعان.

ايتا كەتەيىك، اقتوبە وبلىسىندا پەرۆومايكا جانە بولگاركا اۋىلدارىنىڭ اتاۋى قازاقشالانادى. سونىمەن بىرگە 29 كوشەگە قايتا اتاۋ بەرىلەدى.

اۆتور

التىناي ساعىندىقوۆا