اقتاۋ قالالىق سوتىنىڭ ءتوراعاسى ۇستالعان ءساتتىڭ ۆيدەوسى جاريالاندى

استانا. KAZINFORM - سوت ءتوراعاسى ۇكىمدى وزگەرتەمىن دەگەن ۋادەمەن ءىرى كولەمدە اقشا العان. بۇل تۋرالى سىبايلاس جەمقورلىققا قارسى ءىس قيمىل اگەنتتىگى حابارلايدى.

Задержан председатель Актауского городского суда
Фото: кадр из видео

«سىبايلاس جەمقورلىققا قارسى ءىس-قيمىل اگەنتتىگى ق ر ق پ ك 550-بابىنا سايكەس باس پروكۋرورمەن كەلىسىلگەن سوتقا دەيىنگى تەرگەۋ شەڭبەرىندە ماڭعىستاۋ وبلىسىنىڭ قىلمىستىق ىستەر جونىندەگى اقتاۋ قالالىق سوتىنىڭ ءتوراعاسىن ۇستادى»، - دەلىنگەن حابارلامادا.

اقپاراتتا ايتىلعانداي، سوت ءتوراعاسى اقتاۋ قالاسىنىڭ تۇرعىنى ارقىلى سوتتالۋشىدان وعان قاتىستى باس بوستاندىعىنان ايىرۋدان باسقا جازاعا ۇكىم شىعارۋ سىلتاۋىمەن 18 ميلليون تەڭگە كولەمىندە اقشالاي قاراجات العان.

«جوعارىدا اتالعان قىلمىسقا قاتىسۋشى قاماۋعا الىنىپ، اقتاۋ قالاسىنىڭ تەرگەۋ يزولياتورىنا قامالدى. قىلمىستىق- پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى»، - دەيدى اگەنتتىكتەن.

بۇعان دەيىن اقتاۋ قالالىق سوتىنىڭ ءتوراعاسىنىڭ تەرگەۋگە الىنعان تۋرالى حابارلاعان ەدىك.

اۆتور

داۋلەت ىزتىلەۋ

سوڭعى جاڭالىقتار