اقمولا وبلىسىندا ءسىبىر جاراسىنىڭ تەرىگە شىعاتىن ءتۇرى تىركەلدى

استانا. KAZINFORM - اقمولا وبلىسى اتباسار اۋدانىنىڭ بەس تۇرعىنى كوكشەتاۋ قالاسىنداعى جۇقپالى اۋرۋلار ورتالىعىندا ەمدەلىپ جاتىر، دەپ حابارلايدى Kazinform ءتىلشىسى.

اقمولا وبلىسى بويىنشا سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، اتباسار اۋدانىندا ءسىبىر جاراسىنىڭ بەس جاعدايى تىركەلگەن.

- اۋرۋ وشاعىندا سانيتارلىق-ەپيدەميولوگيالىق قىزمەت، دەنساۋلىق ساقتاۋ ورگاندارى، ۆەتەرينارلىق ينسپەكتسيا، پوليتسيا جانە جەرگىلىكتى اتقارۋشى ورگاندار ماماندارىنىڭ قاتىسۋىمەن ەپيدەمياعا قارسى ءىس-شارالار جۇرگىزىلدى. زەرتحانالىق زەرتتەۋلەر ۇيىمداستىرىلىپ، ەپيدەميولوگيالىق جانە ەپيزووتولوگيالىق تەكسەرۋلەر جۇرگىزىلىپ، وشاق ماڭىندا دەزينفەكسيالىق شارالار جۇرگىزىلىپ جاتىر، - دەپ حابارلادى ۆەدومستۆو.

اقمولا وبلىسىنىڭ دەنساۋلىق ساقتاۋ باسقارماسى دا اتباسار اۋدانىندا ءسىبىر جاراسى اۋرۋىنىڭ تىركەلۋ فاكتىلەرىن راستادى. قازىرگى تاڭدا بەس اۋىل تۇرعىنى كوكشەتاۋ قالالىق ينفەكسيالىق باقىلاۋ ورتالىعىندا ەم الىپ جاتىر.

- وبلىستىڭ شتاتتان تىس باس ينفەكتسيونيسى سانيتارلىق اۆياتسيا كولىگىمەن وقيعا ورنىنا بارىپ، ناۋقاستاردى تەكسەرىپ، دياگنوستيكا جانە ەمدەۋ شارالارىن جۇرگىزىپ، وبلىس ورتالىعىنا جەتكىزدى. ناۋقاستاردا دەنە قىزۋى كوتەرىلگەن. ولاردىڭ جاعدايى تۇراقتالدى. قازىر جارالارى جازىلىپ، وڭ ديناميكا كورسەتىپ كەلەدى، - دەپ اتاپ ءوتتى دارىگەرلەر.

تەرگەۋ جالعاسىپ جاتىر.

ايتا كەتەلىك ءسىبىر جاراسى جەرلەنگەن اۋماقتارعا جاقىن جەرلەر مەملەكەتكە قايتارىلعانى تۋرالى جازعان ەدىك.