اق ءۇي شەتەلدىكتەردىڭ گارۆاردتا وقۋىنا سالىنعان تىيىمدى الىپ تاستادى
استانا. KAZINFORM - ا ق ش پرەزيدەنتى دونالد ترامپ اكىمشىلىگى گارۆارد ۋنيۆەرسيتەتىنە شەتەلدىك ستۋدەنتتەردى قابىلداۋعا تىيىم سالۋدى الىپ تاستاۋعا شەشىم قابىلدادى، دەپ حابارلايدى BILD.
ترامپ بۇل تىيىمدى گارۆارد ۋنيۆەرسيتەتىنىڭ كامپۋستا انتيسەميتيزمدى ناسيحاتتايتىنىن، قىتاي كوممۋنيستىك پارتياسىمەن بايلانىسىن جانە كونسەرۆاتورلارعا بەيتاراپ ەكەنىن ايتىپ اقتادى. ول كامپۋستاعى پالەستينالىقتار نارازىلىعى قايتالانۋى مۇمكىن ەكەنىن ايتىپ، سىنعا الدى.
گارۆارد ۋنيۆەرسيتەتىنىڭ %27- ىن شەتەلدىكتەر قۇرايدى. ۋنيۆەرسيتەتتە انتيسەميتتىك اتموسفەرا قالىپتاسقان. ءاربىر ەكىنشى ەۆرەي ستۋدەنتى كەمسىتۋشىلىككە تاپ بولادى. بۇل تۋرالى گارۆاردتىڭ انتيسەميتيزم تۋرالى ىشكى ەسەبىندە ايتىلعان.
دۇشپاندىق اتموسفەراعا بايلانىستى ەۆرەي ستۋدەنتتەرى وزدەرىنىڭ جەكە باسىن جاسىرۋعا، ۋنيۆەرسيتەتتەن كەتۋگە نەمەسە كامپۋستىڭ قوعامدىق ومىرىنە قاتىسۋدان باس تارتۋعا ءماجبۇر بولدى. كەيبىر ستۋدەنتتى بەلسەندىلەر تەك ۇلتىنا بايلانىستى يزرايلدىكتەرگە بويكوت جاريالاۋعا شاقىردى.
ايتا كەتەيىك، گارۆارد ترامپ اكىمشىلىگىن شەتەلدىك ستۋدەنتتەرگە تىيىم سالعانى ءۇشىن سوتقا بەرگەن بولاتىن.
قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك گارۆارد ۋنيۆەرسيتەتىندەگى قازاقستاندىق ستۋدەنتتەرگە قاتىستى پىكىر ءبىلدىردى.
اۆتور
ەركەجان سماعۇلوۆا
