انتاركتيدادا ميكروپلاستيكتەردىڭ بار-جوعى زەرتتەلىپ جاتىر

Ақтөбедегі төтенше жағдай
Фото: Ақтөбе облыстық ТЖД баспасөз қызметі

جىل سايىن الەمدە 430 ميلليون توننادان استام پلاستيك وندىرىلەدى. ونىڭ 10 ميلليونعا جۋىعى مۇحيتتارعا تاستالادى. سالدارىنان الىپ سۋ ايدىندارىنداعى تىرشىلىككە وراسان زور شىعىن كەلىپ جاتىر.

ماسەلەنى تۇبەگەيلى شەشۋ ماقساتىندا الەم ەلدەرىنىڭ كوشباسشىلارى بيىل «پلاستماسسا قالدىعىن جويامىز» دەپ اتالاتىن قارار قابىلداماق. قازاقستان دا بۇل باستامانى قولداماقشى. پلاستيك قالدىقتاردان جەر بەتىندەگى سۋ ايدىندارىنا تونگەن قاتەر كۇشەيىپ، جەر-جاھاننىڭ كوپ ەلى ءتۇرلى شارانى قولعا الىپ جاتىر. حالىقارالىق اتوم ەنەرگياسى اگەنتتىگى (ماگاتە) ارگەنتينامەن بىرلەسىپ، انتاركتيدادا ميكروپلاستيكتەردىڭ بار-جوعىن زەرتتەۋگە كىرىستى. قۇرلىققا العاشقى عىلىمي-زەرتتەۋ ەكسپەديتسياسىن اتتاندىردى.

رافاەليا ماريانو گروسسي، ماگاتە باس ديرەكتورى:

- ءبىز تاريحتا العاش رەت وسىنداي ماڭىزدى شارانى قولعا الدىق. بۇل جاھاندىق ماسەلە ەكەنى بارشامىزعا ءمالىم. جوبانىڭ ماقساتى - جان-جاقتى زەرتتەۋلەر جۇرگىزىپ، مۇزدىقتار مەن سۋ ايدىندارىن پلاستيك قوقىستان تازارتۋعا كۇش سالۋ. الەمدە كليماتتىق داعدارىستىڭ باستالۋىنا دا وسى مۇزدىقتاردىڭ ەرۋى سەبەپ. ال ميكروپلاستيكتەر ونى باستى ۇدەتۋشى قالدىق بولىپ تابىلادى. مۇنداي قوقىستار مۇز قۇرىلىمىن تەز بۇزادى. وندا تىرشىلىك ەتەتىن جان-جانۋارلارعا زالالى كوپ.

لۋكاس رۋبەرتو، ارگەنتينالىق زەرتتەۋشى:

- انتاركتيدانىڭ جاعدايى بۇكىل الەم ءۇشىن ماڭىزدى. پلاستيكالىق قالدىق قورشاعان ورتامىزعا وراسان زور زيان كەلتىرىپ وتىر. تابيعاتقا قازىردەن قامقورلىق جاساماساق، عالامدىق جىلىنۋمەن كۇرەسۋگە شامامىز جەتپەي قالادى.

الەم ەلدەرى الداعى 20 جىلدا پلاستيكالىق لاستانۋدى %80- كە ازايتۋدى كوزدەيدى. ەگەر بۇل ماقساتقا قول جەتسە مۇحيتتارعا تونگەن قاۋىپ ازايىپ، ەكولوگيالىق احۋال جاقسارا تۇسپەك. اۋاعا پارنيكتىك گازداردىڭ شىعۋى باسەڭدەپ، تريلليونداعان دوللار ۇنەمدەۋگە بولار ەدى، - دەيدى ساراپشىلار.

اۆتورى: فاريزا جانعانايەۆا.

www.24.kz

سوڭعى جاڭالىقتار