18:38, 26 - ءساۋىر 2022 | GMT +5
ماقسات تولىقباي مەن داۋلەت مۇقايەۆ AMANAT پارتياسىنىڭ ساياسي كەڭەس قۇرامىنا كىردى
نۇر-سۇلتان. قازاقپارات - AMANAT پارتياسىنىڭ XXIII سەزىندە پارتيانىڭ ساياسي كەڭەس قۇرامىنا ءۇش جاڭا ادام ەندى، دەپ حابارلايدى قازاقپارات ءتىلشىسى.

پارتيا سەزىنىڭ كۇن تارتىبىندەگى ەكىنشى ماسەلە بويىنشا، AMANAT- تىڭ ساياسي كەڭەسىنە وزگەرىس ەنگىزۋ ماسەلەسى قارالدى.
«پارتيانىڭ جوعارى وكىلدىك ورگانىنىڭ ساياسي كەڭەس قۇرامىنا وزگەرىستەر ەنگىزۋ تۋرالى ماسەلەنى قاراۋدى ۇسىنامىن. پارتيا جارعىسىنىڭ 9.1№ پۋنكتى بويىنشا، ساياسي كەڭەسكە وزگەرىس ەنگىزۋ ماسەلەسى پارتيا سەزىنىڭ ايرىقشا قۇزىرەتىنە جاتادى. سىزدەردىڭ قاراۋلارىڭىزعا AMANAT پارتياسىنىڭ ساياسي كەڭەس قۇرامىنا ەلدار تىنىشباي ۇلى جۇماعازيەۆتى، ماقسات مالىك ۇلى تولىقبايدى، داۋلەت تولەۋتاي ۇلى مۇقايەۆتى ەنگىزۋ ماسەلەسى ۇسىنىلادى»، - دەدى پارتيانىڭ اتقارۋشى حاتشىسى اسحات ورالوۆ.
سەز دەلەگاتتارى بۇل ۇسىنىستى دا ءبىراۋىزدان قولداپ داۋىس بەردى.
ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن AMANAT پارتياسىنىڭ XXIII سەزى ءوتتى.