الەمدە العاش رەت شوشقانىڭ بۇيرەگىن اۋىستىرعان ادام قايتىس بولدى
استانا. KAZINFORM - الەمدە العاش رەت شوشقانىڭ بۇيرەگىن اۋىستىرعان ماسساچۋسەتس تۇرعىنى قايتىس بولدى. ول ترانسپلانتاتسيادان كەيىن 2 ايعا جۋىق ۋاقىتتان سوڭ كوز جۇمدى، دەپ حابارلايدى CBS news ارناسى.
ۆەيمۋت قالاسىنىڭ تۇرعىنى 62 جاستاعى ريك سلەيمان ۇستىمىزدەگى جىلدىڭ 21 ناۋرىزىندا ماسساچۋسەتس شتاتىنىڭ جالپى اۋرۋحاناسىندا بۇيرەگىن اۋىستىرعان. ەكى اپتادان كەيىن ول ەمدەلۋدى ۇيدە جالعاستىرۋ ءۇشىن اۋرۋحانادان شىعارىلدى.
الايدا، ماسساچۋسەتس جالپى پروفيلدى اۋرۋحاناسىنىڭ مالىمەتى بويىنشا، ناۋقاستىڭ قازاسىنا ترانسپلانتاتسيانىڭ ەش قاتىسى جوق.
- Mass General ترانسپلانتاتسيا كومانداسى ريك سلەيماننىڭ كەنەتتەن قايتىس بولۋىنا بايلانىستى قاتتى قايعىرادى. ونىڭ مايىتىنەن ترانسپلانتاتسيانىڭ ناتيجەسىنە قاتىستى ەشقانداي مالىمەت تابىلمادى. سلەيمان مىرزا دۇنيە جۇزىندەگى سانسىز ترانسپلانتاتسيامەن اۋىراتىن ناۋقاستار ءۇشىن ماڭگىلىك ءۇمىت شامى بولىپ قالا بەرەدى جانە ءبىز ونىڭ سەنىمى مەن كسەنوترانسپلانتاتسيا سالاسىن ىلگەرىلەتۋگە ادالدىعى ءۇشىن شەكسىز العىسىمىزدى بىلدىرەمىز، - دەلىنگەن ماسساچۋسەتس جالپى اۋرۋحاناسىنىڭ مالىمدەمەسىندە.
ريك سلەيمانعا بۇيرەك اۋرۋىنىڭ سوڭعى ساتىسى دەگەن دياگنوز قويىلدى. ەر ادام العاش رەت 2018 -جىلى بۇيرەگىن اۋىستىرعان، ءبىراق بەس جىلدان كەيىن دونور ورگانى ىستەن شىعا باستادى.
اۆتور
اسحات رايقۇل
