الماتىلىق دارىگەرلەر اياعى سىنىپ، دۇرىس بىتپەگەن ناۋقاسقا وتا جاسادى
الماتى. KAZINFORM - ورتالىق قالالىق كلينيكالىق اۋرۋحاناعا اياعى سىنىپ، شور بولىپ قالعان 52 جاستاعى ەر ادام ءتۇستى.
اۋرۋحانانىڭ باسپا ءسوز قىزمەتىنىڭ مالىمەتىنشە، ناۋقاس اياعىن 1994 -جىلى سىندىرىپ العان، دۇرىس بىتپەگەن سىنىق سالدارىنان پاتسيەنتتىڭ سۇيەكتەرى سىرقىراپ، بۇلشىق ەتى اۋىرعان.
30 جىلعا سوزىلعان ازاپقا شىداماعان ەر ادام ورتالىق قالالىق كلينيكالىق اۋرۋحاناسىنىڭ تراۆماتولوگيا بولىمىنە مەديتسينالىق كومەككە جۇگىندى.
تراۆماتولوگ نۇرجان نۇرالىنىڭ ايتۋىنشا، جان-جاقتى تەكسەرىلگەننەن كەيىن پاتسيەنتتىڭ اياعىنا وپەراتسيا جاساۋ تۋرالى شەشىم قابىلداندى. 1,5 ساعاتقا سوزىلعان وپەراتسيا ءساتتى ءوتتى.
«30 جىل بۇرىن سىنعان اياققا وپەراتسيا جاسادىق. حيرۋرگيالىق ارالاسۋ كەزىندە سۇيەك اشىلىپ، سىنا ءتارىزدى وستەوتوميا جانە ينتەرمودۋليارلىق بۇعاتتايتىن بىلىگى بار وستەوسينتەز جاسالدى. وتا ءساتتى ءوتتى»، - دەيدى تراۆماتولوگ نۇرجان نۇرالى
قازىر پاتسيەنتتىڭ جاعدايى جاقسى. الداعى ايلاردا ول قالىپتى ومىرگە قايتا ورالماق.
«قازىر جاقسى، ءبارى ورنىنا كەلدى. قۇداي قالاسا، مەن 1-2 ايدان كەيىن جۇگىرىپ كەتەمىن دەپ ويلايمىن»، - دەيدى ناۋقاس.
وسىعان دەيىن اتالعان ورتالىق اۋرۋحانا دارىگەرلەرى جۇرەگىندە اقاۋى بار ناۋقاسقا وتا جاساپ، ينفاركتىڭ الدىن العان ەدى.
اۆتور
الما مۇقانوۆا
