الماتىداعى كوكونىس دۇكەنىندە ەر ادام وق اتتى

الماتى. KAZINFORM - الماتىدا قارۋلانعان ەر ادام كوكونىس دۇكەنىنە كىرىپ، اتىس شىعاردى.

الەۋمەتتىك جەلىگە شىققان ۆيدەودان بەلگىسىز بىرەۋدىڭ كوكونىس دۇكەنىندە قارۋدان اتىس شىعارعانى، سالدارىنان ءبىر ەر ادامنىڭ جارالانعانىن كورۋگە بولادى.

جەلىدە تاراعان باسقا اقپاراتتا وقيعا وتكەن جىلدىڭ جەلتوقسان ايىندا «Sholpan city» تۇرعىن ءۇي كەشەنىندە بولعانى جازىلعان.

الماتى قالاسىنىڭ پوليتسيا دەپارتامەنتى بۇزاقىلىق فاكتىسى بويىنشا قوزعالعان قىلمىستىق ءىس كەلەسى كۇنى تەرگەۋ باسقارماسىمەن العاشقى تەرگەۋ ءىس-شارالارىنىڭ دەرەكتەرى نەگىزىندە كىسى ولتىرۋگە وقتالۋ بويىنشا قايتا دايارلانعانىن حابارلادى.

«كۇدىكتى ۇستالىپ، قاماۋعا الىندى. زاتتاي دالەل تاركىلەندى. ءتيىستى ساراپتامالار تاعايىندالدى. تەرگەۋ بارىسى پوليتسيا دەپارتامەنتى باسشىلىعىنىڭ باقىلاۋىندا»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.

اۆتور

دۋمان ارعىنگەلدى